إيمان أيوب: مش لازم تعملي بلياتشو وأنتي خارجة بس وكوني حلوة في البيت

قالت الفنانة إيمان أيوب، إن هناك مسلسلات تناقش المشكلات الاجتماعية، وما يحدث في المنازل، ويتم حلها بطريقة صحيحة، مضيفة: «مش مع المسلسلات الخارجية اللى بتعمل مشكلات».

إيمان أيوب: مش لازم تعملي بلياتشو وأنتي خارجة بس وكوني حلوة في البيت

وأضافت أيوب، خلال حوارها مع الإعلامية ياسمين عز، على قناة «إم بي سي مصر»، :«كل سيدة عليها أن تتجمل لـ زوجها، من أجل أن يكون هناك سعادة وفرة في البيت»، متابعة: «مش مع أن الست تقف في البيت برائحة، غير مقبولة، ولكن في البيت لازم يكون رائحة السيدة جميلة، ارقصي لجوزك في البيت واقفي في المطبخ شكلك حلو ومش لازم تعملي بلياتشو وأنتي خارجة بس، لا.. لازم تكوني حلوة في البيت».

وتابعت: «أن السيدة عندما تتعرض لـ شيء لا يتوافق معها، عليها أن تنسحب، ولا تتراجع، مؤكدة :«الطلاق ليس نهاية الحياة»، مضيفة: «بلاش مشكلات بعد الطلاق، عشان الأولاد، لو جوزي بص لواحدة تانية ده مالوش علاقة بكرامتي والراجل مش طفل علشان واحدة ست تخطفه».

واستطردت: «لو جوزك بص لغيرك انسحبي، وبلاش نقول لازم استحمل واعيش»، مضيفة: «زوجي السابق المخرج تامر سامي، وزوجي الحالي المهندس ياسر حسين كانوا متواجدين في خطوبة عائشة أبنتي، وده شئ طبيعي جدًا، أنا بحترم أبوبنتي جدًا وعلافتي بيه وبعائلته طيبة، وبنجتمع دايمًا».

وأوضحت الفنانة: «ياسر جوزي بيحب عائشة جدًا وبيحب تامر وعلى تواصل معاه وقال في خطوبة عائشة اقفي مع سيف وعائشة واندهي تامر يتصور معاكوا»، متابعة: «الزواج والطلاق نصيب وكل شئ مكتوب الحياة قصيرة ولازم نفتكر لبعض الحاجات الكويسة، لأن الأبناء اللي بيدفعوا تمن مشاكل الأباء».