سهير جودة: «النجاح ان أنت تمشي فوق اخطائك وكل خطأ هو خطوة للنجاح»

قالت الإعلامية سهير جودة، إن مهرجان الموسيقى العربية مميز في هذه الدورة، والفنان علي الحجار قدم حفلا رائعا بالأمس، وقدم أغاني وطنية وتقريبا كل الجمهور بك، كما هنأت الفنان محمد الحلو على عودته للمسرح، حيث شارك بحفل غنائي في نفس الليلة، قائلة: «علي الحجار ومحمد الحلو قمة المتعة».

وأضافت سهير في برنامجها الذي يحمل اسم «الستات» والمذاع عبر فضائية «النهار»، قائلة: «في حاجة اسمها فشل وفي حاجة اسمها خسارة، ولا الفشل تعريف غير محدد كدة زي الوهم، ناس كتير جدا بتقول انها فاشلة والعلم بيقول ان الكلام ده مش حقيقي، والفيزيا والفلسفة وفي الحيوانات ممكن ناخد منهم دروس وعبرة لحاجات كتير بتستعصي على الفهم زي مثلا الاسود الاسد ملك الغابة ممكن يكون مبينجحش في الصيد الا في ربع المحاولات وفي 75٪ من محاولات الاسود بتفشل هل معنى ذلك انه غير ناجح او انه ليس ملك الغابة لا طبعا».

وأوضحت سهير: «احنا البشر اللي مبنعترفش بالحاجات دي الضواري المطر بيسقط اغلبه في المحيطات بذور الشجر بياكلها العصافير، بس احنا العلم بيقولنا ان مفيش فشل ومفيش خسارة، والطب النفسي بيقول ان الفشل هو ان تتوقف عن المحاولة».

وأشارت: «النجاح ان انت تمشي فوق اخطائك وكل خطأ هو خطوة للنجاح وتتخطى كل مرحلة انت يأست فيها او فشلت فيها كل دي خطوات لطريق النجاح، والعثرات هي اللي بتسجل تاريخ الكفاح والنجاح».

وتابعت: « لو انت متخيل ان ليك عدو ده ممكن تكون دافع ليك للنجاح، مفيش نجاح من غير عثرات ومفيش حياة من غير عقبات ومفيش نجاح بالساهل ومفيش فشل الا في تخيلنا فقط، طول الوقت مادام بنحاول هننجح حتى لو متخيلين اننا فشلنا».