حسن شاكوش: هاني شاكر كان بيعاملنا كحشرات أو ناس صيع

قال مطرب المهرجانات حسن شاكوش: "وقعنا لنقيب الموسيقيين مصطفي كاملعلى إقرار انضباطي يتضمن مجموعة من المطالب ومنها الابتعاد عن أي كلمات خارجة، ومبقاش فيه حاجة اسمها مهرجاناتكلنا هنبقى في شعبة الأغاني الشعبية وأنا بقيت مطرب شعبي، وحمو بيكا هياخد ترخيص أداء صوتي ودي شعبة جديدة".

وتابع خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "الأداء الصوتي للناس اللي مبتعرفش تغني خالص زيحمو بيكا، والمطرب الشعبي زيي، وكلنا بناكل عيش، وحسينا بالحنية داخل النقابةوالفنان مصطفي كامل جمعنا ولمنا، واللي قبله كانوا بيتعاملوا معانا وكأننا مش مصريين".

وأكمل: "الفنان هاني شاكرمكنش بيجمعنا وكان صعب جدًّا اننا نوصله ومفيش فرصة يسمع شكوانا، وكأننا حشرة في المجتمع أو أننا صيع وقاعدين على قهاوي ومش ولاد ناس، وإحنا لما نقعد في البيت هنشتغل إيه وكل واحد فينا ملزوم منه 60 بيت هيأكلهم منين أكيد بقى هيمشي في الحرام بقى".

وتابع: "دمنا نشف أيام الفنان هاني شاكرمن كتر ما كنا بنقول عايزين ناكل عيش، والمجلس القديم بهدلنا، ومع الفنان مصطفي كاملبقى لينا ضهر".