صبري فواز: لو النقيب قال عليا جاهل في احد البرامج أنا مسامح عشان القرارات الحلوة دي قشطة يابا؟

كشف الفنان صبري فواز عن رأيه في القرارات التي أصدرتها نقابة الموسيقين بشأن تقنين أوضاع مطربي المهرجانات.

وكتب «فواز» عبر حسابه الشخصي على «فيسبوك» :«على فكرة القرارات اللي طلعت من نقابة المهن الموسيقية، حاجة كويسة جدا ..أنك تستوعب كل مؤدي المهرجانات وتعمل لهم شعبة في النقابة أيا كان اسمها مش مهم الإسم ويدفعوا اشتراكات ورسوم هاتفيد النقابة واعضائها»

وتابع:«ده غير انك هاتشغل مع كل واحد منهم مجموعة من العازفين من أعضاء النقابة.. هايفيد العازفين وهايطور أداء مغنيين المهرجانات. ..و ده كان الغرض من البوست اللي عمل دوشة.. انه المنع لا يفيد لا النقابة ولا المغنيين ..وآدينا شفنا بعينينا أن المنع ما قدرش يحجب حاجة زي أنتش واجري من الانتشار«.

وأضاف صبري فواز :«يبقى ايه الطريق الأنسب؟ الطريق الأنسب هو اللي النقابة عملته ده برافو بجد.. وبالتوفيق للجميع ولو أن النقيب قال عليا جاهل في احد البرامج.. بس انا مسامح عشان القرارات الحلوة دي قشطة يابا؟».