ياسمين عز: عمر الست ما تفتش ورا جوزها وترجع مبسوطة علشان حتى لو ملقتش حاجة هتعمل فيلم أكشن ترجع تحكيه للستات على الجروب

هاجمت الإعلامية ياسمين عز جروبات السيدات التي يناقشن فيها المشاكل الزوجية عبر مواقع التواصل الاجتماعي, وأضافت عز في تعليق برنامج «كلام الناس»، عبر قناة «إم بي سي مصر»: «عمر الست ما تفتش ورا جوزها وترجع مبسوطة، مش علشان هتلاقيه عامل حاجة غلط لا سمح الله، علشان هي حتى لو ملقتش حاجة هتكون حابة تعمل فيلم أكشن ترجع تحكيه للستات على الجروب».

وتابعت: «أنا عايزاكي مبسوطة، متفتشيش عشان مش هترجعي مبسوطة سواء لقيتي حاجة أو ملقتيش، ممكن تبقى حاجة بسيطة وتعملي منها فيلم عشان ترجعي تحكيها على الجروب».

وعن انتقاد البعض لـ ياسمين لحديثها عن العلاقات الأسرية دون حصولها على شهادة في هذا المجال، قالت: «اللي بيتكلم عن احترام الأسرة أو احترام الرجل أو الزوج أو الزوجة، ده محتاج يكون متربي مش متعلم، المتربي يقدر يتكلم في أي حاجة فيها ذوق وأدب، مش محتاجة تعليم يعني، خليك متربي أحسن ما تكون متعلم».