سلوي خطاب عن عدم إنجابها: هخلف واربي وبعدين يطلعلوا للمجتمع يسمعوا أنتش وأجري

حلت الفنانة سلوي خطاب ضيفة على برنامج “ كلام الناس” مع الإعلامية ياسمين عز, وردت الفنانة سلوى خطاب،عن سبب اتخاذها قرارًا في وقت سابق بعدم الإنجاب.

وقالت خطاب، خلال حوارها في برنامج «كلام الناس»، عبر قناة «إم بي سي مصر»: «هذا قدر من الله، يمكن ربنا عارف حالتي، أنا مفهمش يعني إيه أجيب أطفال ومتحملش مسؤوليتهم، أجيب أطفال يعني لازم أتفرغ لهم».

وأضافت: «طيب أنا ربيت كويس قوي ده جانب، وطبعًا أنسى شغلي والكلام ده، أنا كنت استهلكت في الجواز من كتر ما أنا متفرغة للجواز، وبعدين أتجوز تاني وأخلف، طيب ما أعتزل أحسن».

وتابعت خطاب: «كنت حاسة إن المجتمع ده لو خلفت فيه أنا هتعب، لأن في حاجات كتير مش عجباني، وأنا مش فاهمة يعني تربية حديثة، وأجيب عيال يقرفوني ويتعبوني».

وأكملت: «هربيهم كويس قوي، وبعدين يطلعلوا للمجتمع يسمعوا أنتش وأجري، مش هفهم الكلام ده».