خاص| غادة إبراهيم لـ شيرين عبد الوهاب: أمي عندها 72 سنة وبتدعيلك.. والملايين بتدعمك

حرصت الفنانة غادة إبراهيم على تقديم الدعم للفنانة شيرين عبد الوهاب، بعد أزمته الأخيرة، ودخولها المستشفى بسبب تعاطيها المخدرات بحسب التصريحات الذي أدلى بها شقيقها.

وقالت غادة إبراهيم في تصريح خاص لـ”بصراحة”: حبيتي يا شيرين بدعمك من كل قلبي وبدعيلك، أنا وملايين في مصر ومن خارج مصر، احنا بنحبك جدا وبندعمك من كل قلبنا، وأنا عارفه قد إيه أنتي صلبة وقوية وقد اي أنتي عنيده، هتتخطي كل الصعاب، وكل المحن اللي مريتي بيها، وهترجعي أقوى.

وواصلت: إنتي في عز ازمتك عملتي 3 حفلات، أقوى حفلات عملتيها، وكنتي لسا مدخلتيش مستشفى، أنتي عندك كتير أوي ولسا مقدمتيش كل اللي عندك، أنا مقدره كويس إنت مريتي بأيه، وعارفه أنت متأثرة قد أي، صدقيني والله دعوات الناس ليكي في مصر وفي الخارج، بندعيلك بحب والله.

غادة إبراهيم تدعم شيرين عبد الوهاب

وأضافت: أنا والدتي 72 سنه وبتدعيلك من قلبها والله، وأتمنى ترجعي عشان بناتك ووالدتك، عشان جمهورك، عشان فنك، أنتي صوت مصر الأول، ارجوكي متخليش أي حاجة تأثر عليكي، لأن اللي جاي بجد هيبقى أحسن بكتير.

وتابعت: مش حابه إن أخوها كان يطلع يقول، أنها بتدمن مخدرات على الهوى كان يقوله في النيابة، ويبقى مش معلن، شيرين لما طلعت قالت مش معنى إن معاها دكتور علاج إدمان تبقى بتتعالج من الإدمان، ممكن يكون إدمان أكل.

وأختتمت غادة غبراهيم قائلة: كون إن أخوها طلع يقول دي يتعالج من المخدرات هو كده كسر حته قدام الناس، ما بين مؤيد ومتعاطف وما بين ضد ومع، وفي الاخير انتي شيرين عبد الوهاب مفيش حد هيغيرك، انت رمز مصر وصوت مصر، انت هتعدي منها زي اي محنه قبل كده، وشيرين قوية وهتقف على رجليها تاني وستبقى أحسن، الملايين بيحبو ها من وقت ما غنت اه يا ليل وأول حفله هكون عندك.