" مخطوفة واتفتح عليها مطاوي 4 الفجر".. مصطفي كامل يكشف حقيقة أزمة شيرين عبد الوهاب

علق الفنان مصطفي كاملنقيب الموسيقيين، عن أزمة الفنانة شيرين عبد الوهاب، مؤكدًا دعمه الكامل لها، وذلك خلال المؤتمر الصحفي الذي تم عقده أمسفي نادي الممثلين, راويا تفاصيل ما عرفه حول أزمة الفنانة شيرين عبد الوهاب: الساعة 4 الفجر كلمني شخص صديق ليا وكان صابح عندي اجتماع نقابة وكنت متوتر، اتقالي نصًا شيرين اتخطفت دلوقتي واتضربت واتفتح عليها مطاوي وبلطجية وحسام حبيب قالي نفس الكلام.

وأضاف مصطفى كامل: أنا الطبيعي من غير منصبي المفروض أنزل أبلغ في أي قسم عشان هي زميلتي، واتقالي إنها مخطوفة وحطوها في مستشفى باسم مستعار.

وتابع نقيب الموسيقيين: تواصلت مع حد قالي التفاصيل الحقيقة وقالي الموضوع مش كده، وإنهم قالوا لـ حسام حبيب أنت مش من أهل الأستاذة شيرين عبد الوهاب، واللي أخدوها إخواتها وهنا أنا انسحبت لأن الموضوع بقى عائلي، أنا لي حق زميلتي لكن دي أسرتها.

وأكد الفنان مصطفى كامل، دعمه لـ شيرين، قائلًا: أنا وكل زملائي ندعم شيرين عبد الوهاب فنيًا وماديًا ومعنويًا، وكل حاجة عشان موهبة شيرين مش حاجة قليلة، وخدت قرار إني ماتكلمش في الموضوع ده خالص غير في الاجتماع النهاردة.

واختتم مصطفى كامل حديثه عن الفنانة شيرين عبد الوهاب قائلًا: آخر ما آلت إليه الأمور أمبارح أن كان في مكالمة ما بيني أنا وأنغام وقالتلي يا مصطفى أنا في ضهرك لمصحلة شيرين وهنروح لها، واكتشفنا أن الجهات القضائية منعت ده، وأنغام محتضنه أسرة شيرين بصفة شخصية.