نرمين الفقي: بوظت خطوبتي من سفير عشان أمه قالتلي ريحتك بصل

تحدثت الفنانة نرمين الفقي، عن سر فشل خطوابتها السابقة، مشيرة إلى أنه تقدم لها من قبل سفير ولكن لم تُكمل بسبب العديد من المشاكل التي واجهتهما.

وقالت نرمين الفقي خلال تصريحات تلفزيونية:أول مرة جه هو والدته يتقدموا في بيتي اللي في القاهرة، قالت لي أنا مكونتش متصورة إن نرمين الفقي ساكنة في شقة صغيرة بالشكل ده.

وواصلت:والدتي قالت لها إنها شقة والدتها.. فردت عليها : "طيب وانتوا بتعملوا إيه بالفلوس اللي معاكو، مش تعملي لنفسك فيلا كبيرة، أنا قلت هدخل ألاقي بيت محصلش.

وأضافت:ابنها كان إنسان كويس، وكنت مبسوطة من علاقتي بيه لأنه كان إنسان لطيف، لكن مشكلته إنه ضعيف الشخصية،بعدها عملت ليها عزومة، ومكنتش لحقت أغير هدومي بعد الطبخ، وأنا بسلم عليها قالتلي إيه ده انت هتطلعي بريحة البصل دي.

وأختتمت نريمن الفقي قائلة:بعدين عزمتهم في فيلاتنا في الإسكندرية، وقلت لها ده بيتنا اللي كنتي عايزة تشوفيه، وكتر خير جدتي إنها ادتني شقتها عشان أعيش فيها في القاهرة، وعادي جدًا إني أعيش فيها، وبعدين بلغتها إني مش موافقة.