سارة الطباخ: سألت على شيرين في المستشفى قالولنا محدش موجود بالاسم ده.. لكننا اتأكدنا إنها موجودة

خرجت سارة الطباخ، مديرة أعمال المطربة شيرين عبد الوهاب السابقة لترد على اتهامات شقيق شيرين عبد الوهاب الأخيرة بشأ تسببها في تدمير الفنانة.

قالت سارة الطباخ خلال مداخلة هاتفية مع الإعلامي عمرو أديب في برنامج “الحكاية”: “ تم الزج باسمي بدون مبرر أنا كنت خايفة على شيرين وعايزة أطمن عليها”.

سارة الطباخ: سألنا على شيرين قالولنا مش موجودةلكن حسام حبيب أكد انها جوة

وتابعت سارة الطباخ: “ياسر قنطوش كلم مصطفى كامل وأكدله إن شيرين في مشكلة، وأما كلمتها في البيت مدبرة المنزل قالتلي انها مسافرة ودا شكنني أكتر، وخلانا نروحلها المستشفى عشان نتأكد أنها بخير، أما سألنا على اسمها قالولنا مش موجودة، لكن حسام حبيب أكد انها جوة المستشفى".

وتابعت سارة الطباخ حديثها، مشيدة بـ شيرين عبد الوهاب: “قلبها طيب زي البفتة البيضة وخيرها على الكل أولها أخوها وشخصية حساسة جدا، وكلنا مش عارفين انها متسرعة عشان كدة مش بنزعل منها”.