نهاد أبو القمصان: شيرين عبد الوهاب تشبه فتاة المعادي التي حبسها والدها للاستيلاء على ميراثها

علقت المحامية نهاد أبوالقمصان، عضو المجلس القومي لحقوق الإنسان، على أزمة الفنانة شيرين عبد الوهاب الأخيرة، ودخولها مستشفى العلاج النفسي.

وقالت أبو القمصان خلال لقائها، ببرنامج الستات:القضية تبدو أنها خاصة بشخصية مشهورة، ولكن بها جوانب قانونية على الناس فهمها،على سبيل المثال، هناك اتّجار في الدين، يعني لما تيجي تكلمني وتقول الدين بيقول للست لازم وعليها تعمل كذا وكذا، طيب ما تاخد الباقي، أنا عارفة إني هتهاجم على الكلام ده.

وواصلت:اللي بيتاجر بالدين مش عايز حد يكشفه، الوعي عدو تجار البشر، لازم يزعلوا، ويطلقوا عليا جيوش إلكترونية،أنا أول شخص في مصر قال إن ختان الإناث جريمة، وترافعت عام 1992 في جنح على أنها جناية، وتم الهجوم عليا بشكل كبير وقتها، وأنا أول حد اتكلم على التحرش الجنسي وده كان في 2008.

وأضافت:قضية الفنانة شيرين عبدالوهاب تشبه قضية فتاة المعادي التي حبسها والدها من أجل الاستيلاء على ميراثها.