والدة شيرين عبد الوهاب تستنجد على الهواء: انقذوا بنتي من حسام حبيب خلاها تشرب مخدرات ده واد كله شر

كشفت كريمة أبو زيد، والدة الفنانة شيرين عبد الوهاب، التفاصيل بشأن أزمة نجلتها مع شقيقها وأسباب ادخلها مستشفى خاص لعلاج الإدمان.

وقالت والدة شيرين عبد الوهاب، في تصريحات مع الإعلامي عمرو أديب عبر برنامج الحكاية، «أنا بستنجد بالسيد الرئيس عشان تنقذوا بنتي من حسام حبيب وسارة الطباخ.. بعد حفلتها الأخيرة جالها حسام وقعدوا في الاستوديو تحت في الفيلا 3 أيام يشربوا مخدرات وبعدها طلعت ولما قولتلها إيه اللي جاب حسام تاني.. طردتني من البيت أنا وأختها وقالتلي أنا شيرين عبد الوهاب أعمل اللي أنا عايزاه».

وأضافت أبو زيد، «كان هناك خلافات سابقة بيني وبين حسام حبيب، وعلاقتي ببنتي كانت كويسة جدًا، ولكنه أول ما جه طردتني أنا اللي اترجيت ابني عشان مش مآمنة عليها.. وحسام حبيب قالي هتجوزها قولتله لما تشوف حلمة ودنك، بطلب من ربنا تحموها من حسام حبيب لأنه شر بنتي كانت كويسة والواد دا رجع قلب حالها».