عمرو أديب عن أزمة الكتاكيت:المشاهد فعلا مؤلمة والناس بتكاكى ولا حياة لمن يكاكى

علق الإعلامي عمرو أديب، على إعدام الكتاكيت بسبب عدم توافر الأعلاف، قائلا: «احنا مش عايزين خسارة والمشاهد فعلا مؤلمة»، معلقا: «ده مش علشان أنا رهيف لكن علشان الصناعة.. الراجل اللي أعدم الكتاكيت راح يقعد في بيته ومبقاش له شغل، هيعمل ايه كان بيجرى ورا الكتكوت ودلوقتى مفيش كتكوت فهيروح بيته».

وقال أديب خلال برنامجه «الحكاية» عبر شاشة «mbc مصر»، مساء السبت: «ليست مصر فقط إنما كل دول العالم عاملة زى اللعبة الصينية الشهيرة بالعصيان والأطباق، كل واحد واقف في الطابور وبيصوت عشان احتياجاته المختلفة من أجل الصناعة، من بينها صناعة النسيج والمواشى والألبان، وكل واحد واقف يقول أنا عايز وعايز».

وأردف، «هتدى مين ولا مين وكلهم بيشغلوا ملايين» لافتا إلى أنه في حقيقة الأمر تكون قسمة غربة على حسب الأولويات، ووجدت فئة الدواجن «بتكاكى ولا حياة لمن يكاكى»، وذلك في ظل أزمة الدولار.