عمر كمال: كنت بزور مقبرة عبد الحليم حافظ وكنت متخيل أبقى فنان زيه

كشف مؤدي المهرجانات عمر كمال كواليسَ من حياته الخاصة والشخصية، وعلاقته بوالدته، مشيرًا إلى أنها لا تتدخل في حياته المهنية مطلقًا.

عمر كمال: كنت بزور مقبرة عبد الحليم حافظ وكنت متخيل أبقى فنان زيه

وأضاف عمر كمال في لقاء مع الإعلامي رامي رضوان ببرنامج مساء dmc: «أنا بعشق أمي وجزمتها فوق رأسي، بحس إن أمي بتتحرج مني لأني أكتر ولادها تربيت بعيد عنها ومشفتهاش، أنا نزلت الشارع وأنا عندي 10 سنين بعد ما أبويا ما مات، هي كانت بتقولي أنت مش هتفلح، ولا شكل ولا صوت».

وتابع: «كنت بنزل أزور عبدالحليم حافظ في المقابر بتاعته في البساتين، ووالدتي كانت تقولي يا ابني روح زور أبوك،، إنت مالك بعبدالحليم ومالك بالناس دي كلها، بس أنا بحب عبدالحليم لأنه كان في مُخيلتي إني هبقى فنان زيه».

وتابع «أمي لما كبرت حسيت إنها اتحرجت ومبقتش تكلمني في الموضوع ده لأني مافشلتش، يعني الفلوس الكتيرة مخلتنيش أشرب سيجارة ولا أمشي في سكة غلط فهي سكتت وبقت مبسوطة وفرحانة بس مش بنتكلم في موضوع الغناء، هي بتكلم عمر ابنها، لكن لو فيه تعليق من الناس بتقوله غير كده هي ملهاش دعوى بحياتي».