والد عريس الإسماعيلية يرد على اتهامات زوجته: كانت بتستفز ابني وكانت رافضة انه يقرب منها.. عبدالله ابنى حبيب الناس كلها هل معقولة هيكون قاسى على مراته.. كانت بتصرخ إنها مخلفتش منه لغاية دلوقتى

رفض والد عريس الاسماعيلية ماتم توجيه إلى ابنه من اتهامات من قبل زوجته, وحرص على الرد وتكذيب هذه الاتهامات من خلال تصريحات تليفزيونية له, مؤكدا على صلة القرابة بينهما, كما أكد أنه عندما قام بالتقدم هو ونجله إلى خطبة عروس الاسماعيلية كانت موافقة, فقالت عند سؤاله حول رأيه :” قالتلى زى العسل يا عمى”.

والد عريس الإسماعيلية يرد على اتهامات زوجته

وتحدث والد عريس الاسماعيلية نافيا اتهامات زوجتهبشأن ضربها وحبسها قائلًا: وأقسم بالله مها دايما بتعملمشاكل مع ابني.. ومكنتش بتحب تقرب منه وكانت تصرخ لما يقرب منها ووديناها لمشايخ قالوا مفيش حاجة, أنا كنت بديها الفطار بأيدي وبحاول احتويها، وبيتنا كله خير وعندنا كل حاجة.

والد عريس الإسماعيلية: محدش حبسها

وتابع: محدش حبسها وكنا بنعاملها أحسن معاملة, وأنا مموتش عشان ابني يضرب مراته، وأن سمعت مرة إن زوجة ابنى بتصرخ وكنت فاكر أن ابنى ضربها، ولكن لما طلعت قالت إنها تصرخ عشان الخلف ومحملتش من ابني لحد الآن, كانت تستفز ابني عبد الله وتصوت في البيت ولمت علينا الناس راح ساعتها ضاربها بالقلم على وشها, ومكانتش بتاكل ولا بتقعد معانا وكنت بقولها أنا بمثابة أبوكي التاني وكلنا هنا بنحبك,بس دي مريضة للأسف”.