كل اللي تم بموافقتها.. مفيدة شيحة تفتح النار على عروس الإسماعيلية

شنت الإعلامية مفيدة شيحة، هجوما حادا على على ضرب عروس الإسماعيلية، مؤكدة أن هذا الأمر مرفوض تماما شكلاً وموضوعاً.

وقالت مفيدة شيحة، مقدمة برنامج الستات، المذاع عبر قناة النهار، مساء اليوم الأحد، :" إن العروسة لما اضربه بهذا العنف في الشارع قولنا لها بلاش ومتضيعيش عمرك، ومحدش هيتغير، وهو مترباش على كده، ومش عرفة إيه المبرر للضرب، والعادات اللي تسمح بالضرب المبرح للمرأة".

وأضافت مفيدة شيحة، أن :"لدينا مشكلة كبيرة وهي إننا مقتنعين أن الشخص ممكن يتغير والكلام كده مش صح تقريبا، خليني أقول كلمة اتحاسب عليها دنية ودين وكل اللي تم بموافقتها".

وتابع الإعلامية مفيدة شيحة، أنه :"هى فهمتنا أن معندهاش أهل، وان ده ابن عمها وانهم ربوها، ولا تعطاف مع من يقول أنه مهدد بالسلاح، ومصر كلها اتقلبت لما بس فيديو الضرب انتشر".

وجهت الإعلامية مفيدة شيحة، رسالة لـ عروس الإسماعيلية، مؤكدة أنها لها دور في الاستمرار في هذه الكارثة من البداية.

وأضافت مفيدة شيحة، :"في حاجات نغفرها، وفي حاجات لازم ناخد موقف منها، والضرب بهذا العنف في الشارع مرفوض تماما، وقولنا بلاش تكملي من بدري ومش عارفة ليه كملتي".

وتابعت الإعلامية مفيدة شيحة، أنه :"هى سكتت ليه، وهى لازم تكون عارفة إن الناس كلها معاها، والسوشيال ميديا، ومصر كلها اتقلبت لما نزل لها فيديو تضرب فيه، ودلوقتي بعد ما راحت عملت بلاغ كل الناس وقفت معاها والإعلام والرأي العام المصري كله".

وأكمل الإعلامية مفيدة شيحة، أنه :"لا يوجد أي إنسانية ولا احترام يبقي ليه أكمل".