عمرو أديب يهاجم التجار: الناس عندنا بقت أغنياء حرب واستغلال ومحدش يقول هو مفيش وطنية؟! وطنية ماتت.. إحنا كده هنروح للركود..طبق البيض وصل 90 جنيه.. ولابد من حل لضبط الأسعار

أبدى الإعلامي عمرو أديب، دهشته من استمرار ارتفاع الأسعار رغم انخفاضها على المستوى العالمي، قائلا: "الحاجة بتزيد ليه، اشرحولي، السوق فتح"، خاصة وان هناك حلحلة في الوضع.

سبب ارتفاع الأسعار

وقال أديب، خلال برنامج "الحكاية" المذاع عبر فضائية "إم بي سي مصر"، مساء السبت، "إزاي الأسعار بتزيد هو عند، أنا مش مع نظرية الضمير، ومحدش يقول هو مفيش وطنية.. وطنية ماتت"، مضيفا: "إحنا كده هنروح للركود، خاصة لو السوق فضل مجنون كده، ومحدش يقول وطنية وضمير".

وأضاف الإعلامي عمرو أديب، "الناس عندنا بقت أغنياء حرب وبتستغل الظروف"، مشددا على ضرورة وضع حل لضبط الأسعار.

كما علق الإعلامي عمرو أديب، على ارتفاع أسعار البيض، قائلا: يا جدعان وهو أنا مش ورايا غير أخبار البيض في البرنامج ده كل يوم أخبار البيض والفراخ مسيطرة على البلد.. كل واحد تقابله يقولك أنت عارف الفرخة بكام النهاردة.. أنت عارف البيض بكام النهاردة.. وبورصة البيض وبورصة الفراخ.

وتابع: الناس مهتمة بالبيض والفراخ لأن أسعار اللحوم ارتفعت.. وهناك أطفال يذهبون يوميًا للمدارس ويحتاجون إلى تغذية جيدة.. ووصل طبق البيض إلى 90 جنيهًا.