خاص| أسرة عروس الإسماعيلية لـ «بصراحة»: جوزها راح عمل محضر ضدها واتبلى عليها وقال إنها ضربته وسرقت الدهب

كشفت عمة عروس الإسماعيلية عن مفاجأة بعد تحريرهم محضر ضد زوج مها، بعد الإعتداء عليها وحبسها، مشيرة إلى أنه لم يكتفي بذلك بل ذهب وحرر محضر ضدها.

وقالت عمة عروس الإسماعيلية في تصريح خاص لـ”بصراحة”:هو راح عمل محضر قبل ما احنا نعمل محضر وقال إن هي ضربته، ووواخده الدهب وده كله محصلش، وبيتبلى عليها بالعكس دي هي اللي متبهدله والله خالص، والضرب مبرح ونفسيتها تعبانة خالص.

وقالت عمة العروس: إحنا عملنا محضر ضده ولسا طالعين من القسم، ومش هنسيب حقها وهنفضل وراها وهنعمل تقربر طبي لانها فعلا مضروبة.

وواصلت: مها كانت محبوسة، وفيها آثر ضرب كبير في جسمها، وفي عينها في نزيف داخلي على الشبكية، واحنا دلوقتي مستنين الإشاعة وبنعمل التقرير الطبي ومش هنسيب حقنا.

من جانبه كانت قد حررت مها محمد المعروفة إعلاميًا بـ"عروس الإسماعيلية" في واقعة الاعتداء عليها بفستان الفرح لحظة خروجها من الكوافير في الشارع، محضرًا رسميًا بقسم شرطة ثان، ضد زوجها بعد 8 شهور من زواجهما.

واتهمت عروس الإسماعيلية خلال المحضر الذي حررته مساء السبت، زوجها بالاعتداء عليها بالضرب المبرح وإحداث بعض الإصابات في أماكن متفرقة بالجسم، وحبسها 15 يومًا داخل حجرة.