مصطفى بكري لـ«بصراحة»: في 2011 «هيكل» قالي اللواء السيسي ده عقلية جبارة وهيكون ليه مستقبل عظيم.. ومحمد مرسي قالي ده راجل بتاع ربنا

دلل الكاتب الصحفي مصطفى بكري، عضو مجلس النواب، على ذكاء ورجاحة عقل الرئيس عبد الفتاح السيسي وقدراته السياسية، قائلا «في شهر يوليو 2011 كنت الكاتب الراحل الأستاذ محمد حسنين هيكل قالي على فكرة يا مصطفى فيه ظابط عضو في المجلس العسكري عقليته جبارة ومثقف وواعي ورجل دولة كان وقتها الرئيس السيسي رئيس المخابرات الحربية .. وقالي هيكل في المستقبل الشخص ده هيكون ليه مستقبل عظيم .. وحتى في لقاءات مدير المخابرات الحربية مع رموز العمل الإسلام خرج الشيخ السلفي محمد عبد المقصود وقال لأحد القيادات العسكرية أنا جلست مع رجل يفهم الدين كما لم يفهمه كثير من الفقهاء .. فا احنا قدام نموذج مهم لرجل وطني».

وكشف بكري، أن الرئيس المعزول محمد مرسي طلب من لقاء المشير طنطاوي قبل أشهر من إعلانه رئيسا للجمهورية إبان شائعات الإخوان بإمكانية تزوير نتيجة الانتخابات الرئاسية من قبل المجلس العسكري، لكن المشير رفض وقال لي «دول ناس كدابين» وطلب مني لقاءه بصحبة اللواء عبد الفتاح السيسي وقتها واللواء العصار وبدأت الجلسة واعتذرت في بدايتها بسبب عقدي لمؤتمر صحفي، وفوجئت بمرسي بعد انتهاء لقاءه مع القيادات العسكرية بيقولي «يا أخ مصطفى الأخ عبد الفتاح السيسي ده مية مية بيحفظ القرآن والحديث وفضل يردد ما شاء الله لحد ما مشي».

وأكد بكري، أن المشروعات التي تقام حاليا في الدولة المصرية ليست وليدة اللحظة ولكنها نتاج استراتيجية وطنية للرئيس عبد الفتاح السيسي وفريقه «ده راجل عميق وعنده رؤية وعايز يبني بلدنا بجد عشان تبقى فعلا في مكانة مختلفة مش سهل وبيفاصل في كل حاجة مع حتى مع المقاولين عشان البلد».