مصطفى بكري لـ «بصراحة»: بقالي 15 سنة مصيفتش ومعنيدش شاليهات في الساحل.. وراحتي بلاقيها قدام الترعة في بلدنا

قال الكاتب الصحفي مصطفى بكري عضو مجلس النواب، «أنا جيت من البلد حاطط لنفسي استراتيجية من البداية حاطط نصيحة والدتي قدام عيني لما قالتلي أوعى تنسى ناسك يا ولدي أوعى تسيب بلدك ومتجيش عشان كدة محافظ إني أروح بلدي في قنا .. أنا عمري ما اختلفت مع أخواتي بس أكلنا على طبلية واحدة إحنا ولاد رجل غلبان ربى ولاده بالعافية لكن علمنا إزاي نحب بلدنا وعلى الكرامة».

وأشار بكري، في تصريحات خاصة لموقع بصراحة الإخباري، إلى أنه لا يملك «شاليه» في أيا من المدن الساحلية «بقالي 15 سنة مصيفتش ولا روحت بحر ومعنديش شاليهات في أي حتة لإن المصيف مش على أجندتنا أنا أتبسط أوي لما أروح بلدنا وأقعد على الترعة ولو حد كلمني أقوله أنا في الساحل الجنوبي وأول مرة شوفت العلمين كنت في لقاء مع الرئيس السيسي .. وسعادتي الحقيقية مع الناس الغلابة»

وأوضح بكري، أنه في أحد الاستفتاءات بين عامي 2005 و2010 في مركز صناعة القرار بمجلس الدولة حاز هو لقب عضو البرلمان الأفضل بينما كان النائب السابق وعضو الحزب الوطني المنحل أحمد عز هو الأسوأ، مضيفا «بعتبر ده حاجة من عند ربنا فأنت تتحدث من القلب وبتقبل الاختلاف لكن على الأقل أنا بقول اللي مقتنع بيه وعمري ما روحت لخناقة والخناقات هي اللي بتجيلي»