مصطفى بكري لـ«بصراحة»: احنا بنطبل ونغني ونزمر للدولة واللي بيقول عليا متلون مبيفهمش حاجة

قال الكاتب الصحفي مصطفى بكري عضو مجلس النواب، إنه منذ قدومه من بلدته في الصعيد حتى اللحظة الحالية لم يختلف على الوطن أو مؤسساته لكن يمكن الاختلاف مع النظام، «ياعني ممكن لو مبارك عمل حاجة كويسة أتكلم وأشكر ولو عمل حاجة مش كويسة هتكلم وأنتقد وأقدم استجواب في المجلس».

وأضاف بكري، في ندوة موقع «بصراحة» الإخباري،«أنا أعتبر نفسي واحدا من داعمي الرئيس عبد الفتاح السيسي وبقوة وإحنا شوفنا البلد إلى أين كانت ستذهب والرجل اللي قدر يتخذ في وقت تاريخي محدد وينقذ هيا الوطن ويحافظ على مؤسساته هو إنسان وطني ويستحق أن ندعمه في مشروعه لكن فيه حاجات ممكن نختلف معاه في موضوعات معينة مثل بيع القطاع العام وبقول ده في المجلس».

وتابع بكري، «الناس أحيانا بتخلط بين مواقفك من الأنظمة وبين الثوابت الأساسية أنا مع الدولة أختلف مع الأنظمة وأتفق ومفيش نظام كله غلط ومفيش نظام كله صح بنقوم وبنقول وجهة نظرنا لكن فيه ثوابت لا نستطيع الاقتراب منها .. لو ظابط انحرف نقول لكن محاولش أهدم مؤسسات وزارة الداخلية ولا القوات المسلحة».

وعن اتهامات بـ «التطبيل»، استكمل بكري، «احنا بنطبل ونغني ونزمر للدولة واللي عنده بلد تانية هو حر اللي عنده جواز سفر تاني غير مصري يروح لكن احنا قاعدين .. الحفاظ على الوطن ده جهاد حقيقي في ظل العولمة ومحاولة تغييب العقول وتدمير قناعات الناس وقطع الصلة بين الماضي والحاضر».