عمرو أديب عن تزاحم الأهالي أول يوم دراسة: دي سلوكيات غابة.. إيه اللي بيجرا ده

علق الإعلامي عمرو أديب، على الفيديوهات المتداولة لتزاحم الأهالي من أجل حجز المقعد الأول لجلوس أبنائهم فيها، خلال اليوم الأول للعام الدراسي، لافتًا إلى أن تلك الظاهرة غير موجودة في أي مكان بالعالم سوى مصر.

وقال خلال تقديمه لبرنامج «الحكاية»، المذاع عبر فضائية «MBCمصر»، مساء الأحد: «خناقة التختة الأولانية، أمر غريب وعجيب، كل سنة نرى تلك الظاهرة الغريبة، اللي والدته أقل عنفوان يقعد ورا، ولو مامتك شديدة تقعدك قدام».

وتساءل عما سيحدث إذا حدد مدير المدرسة ترتيب جلوس الطلاب، وفقًا لطول الطلاب أو ارتدائهم لنظارة طبية، معقبًا: «الكرسي مش مكتوب عليه تامر ولا إبراهيم ولا بولس، أنا كنت بقعد في آخر تختة وكنت بنبسط جدا، لأن لها مميزات كل الناس متعرفهاش».

واستنكر: «إيه اللي بيجرا ده يا جماعة! هذا الأمر غير قائم على عدالة، في حاجات نقدر نلوم عليها الدولة وفي حاجات سلوكياتنا إحنا، دي سلوكيات غابة، ويرسل رسالة للطالب إن دراعك أهم حاجة في الدنيا، وكل حاجة بالعنف والقوة والغصب».