ياسمين عز: الراجل طول ما بيشوفك ضاربة بوز وعاملة "القمطة" هيطفش| فيديو

تواصل الإعلامية ياسمين عز، دفاعها الرجال، منتقدة بعض النساء بعد الزواج لقلة اهتمامها بزوجها.

نصائح ياسمين عز للسيدات

وقالت الإعلامية ياسمين عز خلال تقديم برنامجها "كلام الناس" المذاع على شاشة "إم بي سي مصر": " سؤال بيشغل بال رجالة كتير فيه منهم اللي لقيله إجابة ومنهم لأ، ليه معظم الستات بتتغير بعد الزواج، والاهتمام والدلع بيقل، مش بتعدله لياقة القميص وهو نازل عشان يكون أشيك".

“الرجالة عنيها زايغة”

وأضافت الإعلامية ياسمين عز: "ياريت الستات تصارح نفسها في سرها، فيه بعض الستات لما جوزك ينزل الشغل فيهم اللي بيقوله مع الف سلامة، طبيعي لما يروح الشغل ويلاقي واحدة بتبتسمله يعجب بيها، وترجعي تقولي الرجالة عنيها زايغة ليه".

وتابعت: "عشان بقي شايف بوز كبير قدامه، وأول ما يرجع بدل ما تاخده في حضنها، تلاقيها قاعدة ورابطة "القمطة" وتقعد تشكي، ومش قادرة اتلكم، ما كده هيطفش منك".