جمال شعبان يهاجم عمرو أديب: خايف من تحفيل البشر لما تموت ومش خايف من حساب رب البشر

عقب الدكتور جمال شعبان،رئيس معهد القلب السابق، على تصريحات الإعلامي عمرو أديب، بأنه خائف من الموت بسبب مهاجمة الكثير له.

وكتب جمال شعبان عبر حسابه الشخصي بموقع فيسبوك: عمرو أديب بيقول، خايف لو مت يتعمل عليا حفلة، عمورة خايف من تحفيل البشر، ومش خايف من حساب رب البشر، يا عمورة لا يضير الشاة سلخها بعد ذبحها، يعني لا الناس ولا كلام الناس هيقدم أو يؤخر، إذا انتقل الإنسان إلي رحاب رب الناس، لمثل هذا اليوم فلنستعد يا أصدقاء.

عمرو أديب: أنا بقيت خايف أموت من اللي ممكن تعملوه فيا

من جانبه كان قد أعرب الإعلامي عمرو أديب، عن غضبه الشديد من انتقاد البعض للفنان هشام سليم يعد رحيله عن الدنيا عن عمر يناهز 64 عاما، قائلا:” الراجل مات ياجماعة وسط أهله . كان في خلافات وخلصت وانتهت.. ليه كدة.. انتوا مالكم معاه خلافات ولا لا”.

وأضاف “أديب” خلال تقديمه لبرنامج “الحكاية”، والمذاع عبر قناة ام بي سي مصر، قائلا:” أنا بقيت خايف أموت من اللي ممكن تعملوه فيا.. دا انتوا هتعملوا عمايل.. أنا عارف اللي هتعملوه فيا.. أنا مش خايف من الموت بس خايف من اللي هتعملوه.. ياجماعة لو سمحتوا لما أموت قولوا الله يرحمه بس، أنا عارف اللي هتيعمل معايا، هيتعمل معايا واجب واجب يعني لكن اولعوا”.

وتابع:” ليه مبقناش نعرف نسيب الناس تموت في سلام أنا بقيت خايفة أموت.. مش عارف أما أموت انتو ممكن تعملوا اي فيا أنا متأكد انكم هتعملوا حافلة عليا غير طبيعية.. لو سمحتم لما أموت قولوا الله يرحمه بس”.