برادة: بزعل لما الناس تفتكرني بفيلم «حب البنات» مش بالإسكواش

حل الكابتن أحمد برادة بطل الاسكواش العالمي، ضيفا على الإعلامية ياسمين عز ببرنامج "كلام الناس" والمذاع عبر قناة "ام بي سي مصر"، للحديث عن ذكرياته مع لعبة الإسكواش والعديد من الملفات الشخصية.

خلال البرنامج، غازلت الإعلامية ياسمين عز، أحمد برادة، قائلة:" ما شاء الله أنا بكبر وأنت بتصغر أنا لما شوفتك وأنت داخل الاستديو قولت سنك حاجة وتلاتين، وده مش سنك الحقيقي، ليرد الأخير مازحا: إيه يا ياسمين الكلام ده".

برادة: بزعل لما الناس تفتكرني بفيلم «حب البنات» مش بالإسكواش

وقال برادة:" أنا عندى 45 سنة ولكن الجيم له أثر كبير في مظهري بشكل عام، متابعا:" انا الرياضة فارقة معايا بشكل ذهني قبل ما تكون لياقة".

وأكمل:" أنا لازم يوميا أروح الجيم أقعد ساعة وتلت أفصل عن العالم كله، وبقول للشباب الرياضة أهم حاجة ومش شرط جيم لكن أي رياضة مفيدة".

وتحدث برادة عن تجربة التمثيل الوحيدة التي خاضها خلال حواره مع ياسمين عز، مؤكدا، أنه لم يكن ينوي دخول مجال التمثيل ولكن الفنانة ليلي علوي هي التي عرضت عليه المشاركة في فيلم حب البنات.

وأوضح،:" التجربة الوحيدة التي خضتها كانت في فيلم حب البنات من خلال صديقتي ليلي علوي وصديقي أحمد عز، ولكن ملقتش نفسي في التمثيل، مضيفة:" بزعل لما الناس تفتكرني من خلال الفيلم مش من خلال الاسكواش".

وعن تعليقات الناس علي أغنية ناسيني وأنا جبنك والتي غناها خلال الفيلم، قال:" مش عارف ازاي الأغنية طلعت حلوة كده وعجبت ناس كتير".