خالد قمر يهاجم حسام حسن: حسام حسن قعدني 4 شهور في البيت لكن أنا هداف تاريخي

أكد خالد قمر لاعب فريق طلائع الجيش الحالي والاتحاد السكندري السابق، أن حسام حسن سبب رحيله عن زعيم الثغر.

وقال خالد قمر في تصريحاته عبر برنامج الريمونتادا على قناة المحور: "الناس كلها كانوا عارفين السبب اللي انا مشيت بسببه من الاتحاد، وكنت حابب أنهي مسيرتي في الاتحاد، لكن مع حسام حسن قعدت 4 شهور في البيت".

وأضاف: "جهاز حسام حسن بعت على جروب النادي إن في 5 أسماء وأنا من ضمنهم إني برا حساباتهم، وكلمت أستاذ محمد مصيلحي قولتله أنا حاسس إن هيبقى في مشاكل لو كملت، وأنا مش بتاع مشاكل".

وواصل: "حسام حسن عنده رؤية فنية بالنسبة لي وأحترم ده، حتى لما كنت في الزمالك ميدو جابني وفي الآخر حسام حسن معتمدش عليا خاصة في ماتش السوبر ضد الأهلي، والكابتن حسام حسن جه عليا في الزمالك

واختتم حديثه قائلاً: "أفضل فترة لي من وجهة نظري كانت في الاتحاد السكندري وأنا من الهدافين التاريخيين برصيد 27 هدفًا".