محمود المهدي: الخيانة سبب انفصالي عن منة.. ولا يمكن ارتبط بحد من الوسط الفني تاني.. ولو ظلمت حد من أهل منة يطلع يتكلم |حوار

-الشهرة دلوقتي مفيش أسهل منها ولو عايز اتشهر كنت استغليت منة.

-سبب انفصالي عن منة إن كان فيه اتفاق مع أهلها وهما اللي خانوا العهد.

-أن لو ظلمت حد من أهل منة يطلع يتكلم وحسبي الله ونعم الوكيل في اللي ظالمني.

-لا يُمكن أرتبط بحد من الوسط الفني تاني، استحالة لأني راجل شرقي.

-في واحدة في حياتي دلوقتي بعد انفصالي عن منة بس احنا لسا في البدايات.

-منة عرفة شايلة حمل تقيل ومتحملة مسؤوليات كتيرة.

-أشرف زكي هو اللي سبب في طلاقي الأول من منة عرفة.

-محمد نجاتي كان عايز يشيل منة عرفة في مشهد وأنا رفضت فطلع كبر الموضوع.

تصدرت أزمة انفصال الفنان محمود المهدي، عن زوجته الفنانة منة عرفة مؤشرات البحث جوجل في الفترة الأخيرة، وذلك بعد اعلان الثنائي، انفصالهما بشكل مفاجئ، ولكن كان هناك قلق في الطلاق وأسباب كثيرة في الكواليس، لم يستطيع أحد أن يفهمها نظرًا للغموض في منشور الثنائي، إلا أن استضاف موقع “بصراحة”، الفنان محمود المهدي ليكشف أسباب الطلاق.

فتح الفنان محمود المهدي قلبه لموقع “بصراحة”، وكشف القصة الكاملة لـ انفصاله عن الفنانة الشابة منة عرفة ومن كان السبب في انفصالهما في المرتين، ودار نص الحوار كالتالي:-

-في البداية اتهمك البعض أنك استغليت منة عرفة من أجل الشهرة.. ما تعليقك على ذلك؟

أنا من أول ما ظهرت وهو بيتقال إني بهتم بالشهرة، ولو بهتم بالشهرة كان ممكن استخدم أساليب كتير اشتهر بيها، الشهرة دلوقتي مفيش أسهل منها ولو عايز اشتهر كنت استغليت منة، كنت اطلع في فيديوهات معاها، وقنوات ولقاءات، وكانت بصورة واحدة بس اطلع بيها تريند معاها.

فموضوع الشهرة مش صعب، انا داخل الوسط الفني عشان الشهرة، ومنة أنا عرفتها في طريقي للوسط الفني، ويوم ما ارتبطنا طلبت من منة متقولش مين خطيبها، عشان ميقولوش خطبها عشان الشهرة، ومنة ليها فضل عليا كبير.

-هل الخيانة كانت سبب في طلاقك من منة عرفة؟

الخيانة أنواع، مش شرط مع شخص الخاينة خيانة عهد واتفاق وده كان من ضمن أسباب انفصالي عنها، كان في اتفاق مع أهلها وهما خالفوه، فجأة، ومن غير ما أعرف، وموضوع الطلاق، كان وقت عصبية، واتسرعت في موضوع الطلاق وتم الانفصال في نفس اليوم، واللي حصل منها مكنتش قابله، ومكنتش حابب توصل لطلاق، بس في أشخاص حواليها تسببوا في الطلاق ربنا يكرمها في شغلها، وهي عايزة تقف مع أهلها، ومنة شايلة مسؤولية فوق طاقتها، ربنا يكون في عونها.

-هل مجال منة الفني كان بيتعارض مع علاقتكم؟

منة لسا صغيرة وفي حاجات كتيرة متفهمهاش، وهي من وهيا صغيرة في الوسط ده، وهي حابه الموضوع ده جدًا وأهلها مساعدينها جدًا ومشجعينها في الموضوع ده، ففي تعارضت في طريقنا مع بعض فأنا كنت هقف في طريقها.

-هل ارتبطت من جديد بعد انفصالك عن منة عرفة؟

موضوع إن في حد في حياتي ارد عليه بـ اه او لا، بس ممكن اقول اه عشان احنالسا في البدايات.

-السوشيال ميديا اتهمتك أنك ظلمت منة عرفة وأهلها.. هل ده صحيح؟

لو أنا ظلمت منة أو حد من أهلها يطلع يتكلم ويقول أنا اتظلمت واراهن إني حد يطلع، وهي اختارت طريقها وهي صح انها تقف مع أهلها، ربنا يكون في عونها في اللي هي شايلاه، لانها شايله حملكبير.

-من سبب انفصالك الأول عن منة عرفة؟

أشرف زكي سبب انفصالي عن منة عرفة في المرة الأولى، لأن منة بالنسبالها دكتور أشرف والدها، فلما حصل خلاف بيني وبينه، هي زعلت فهو لما كلمها لما حصل الخلا بيني وبينها، فالمفروض هو كان يحل لكن تصرف بطريقة غلط معاها، ومن هنا بدأت المشاكل بينا تحصل.

-ما سبب خلافك مع الفنان محمد نجاتي؟

موضوع محمد نجاتي، كان مسك ايد منةونبضها فده عادي منة بتسلم اما كان المشهد عايز يشيلها، فالسيناريو كان ممكن يتغير مكنش لازم انه يشيلها، والمخرج قال ممكن نغيره، بس هو اللي كبر الموضوع وطلع اتكلم.

-هل ممكن ترتبط بحد من الوسط الفني من جديد بعد انفصالك عن منة عرفة؟

لا يُمكن أرتبط بحد من الوسط الفني تاني، استحالة لأني راجل شرقي غيور بزيادة، هيبقى صعب معايا، وفي أسباب كتيرة غير الغيرة سبب في انفصالي عن منة.