ميمي جمال ساخرة من تريند الرضاعة: لو الواحدة خلفت 5 عيال تبقى مليونيرة على كده

أعربت الفنانة القديرة ميمي جمال عن استيائها الشديد، من ما يتم تداوله عبر مواقع التواصل الاجتماعي في الساعات الأخيرة، وعن تصريحات عضو المجلس القومى لحقوق الإنسان بأن المرأة ليست ملزمة بإرضاع ابنائها.

وقالت ميمي جمال خلال لقائها ببرنامج “الستات”: أنا مش مع التريند ده، يعني إيه الست مش ملزمة، اللي أعرفه أن الست المتجوزة مسئولة عن بيتها مسئولية كاملة، لازم تكون فاهمة يعني إيه أكل، حاجة جوزها تتكوي إزاي، جوزها بيحب إيه، أمال هو قاعد معاها ليه.

وواصلت:مش عشان خدمة، عشان بيحس، أنا النهاردة عملت لك اللي نفسك فيه، اللي أنت عايزه، أدخل الحمام هتلاقي فوطة نضيفة، حاجتك مظبوطة، لازم الست تبقى ملزمة بجوزها.

وأضافت:يعني كان زمان ستات مصر بقوا مليونيرات، اللي بتخلف 4 و5 وبترضع دي، كان زمانها بقت مليونيرة،إيه الكلام ده في تطور في الدنيا، وناس تقول لك دول موضة قديمة، لكن في ثوابت في الدنيا، في ست ورجل، الرجل يبقى واخد باله من مراته ويراعيها ويكلمها بأسلوب كويس، عشان الحياة أخد وعطاء، ومسئولية الست تخلف وتكبر ولادها وتاخد بالها منهم.

نهاد أبو القمصان: «الرضاعة» قرار يعود للمرأة ومقولتش الست غير ملزمة بيها

من جانبه علقت الدكتورنهاد أبو القمصانعضو المجلس القومى لحقوق الإنسان، على تصريحاتها المثيرة حول واجبات المرأة، قائلة: «سعيدة جدا بهذا الجدل، لأنه طرح للناس فكرة وهي أن البعض يعمل على انتقاء الأشياء من الدين، وهو ما يسمى بالقص واللصق».

جاء ذلك خلال جلسة نقاشية نظمها صالون تنسيقية شباب الأحزاب والسياسيين بعنوان «سيكولوجية العنف.. العنف ضد المرأة»، والتي تتناول مصطلح العنف وأنواعه، ومخاطر العنف ضد المرأة، وتأثيره على نفسية الفتيات والمرأة بشكل عام، كما تتطرق لمناقشة أسباب العنف ضد المرأة، وكيفية إعادة تأهيل ضحايا العنف، ودور الدولة ومنظمات المجتمع المدني في مجابهة العنف ضد المرأة.

وأضافت نهاد أبو القمصان: «لم أقل إن الست غير ملزمة بالرضاعة، الست ملزمة بأنها تتعلم وتشتغل حتى تأخذ قراراتها بنفسها، أما أمر الرضاعة فهو في النهاية قرارها».

واختتمت قائلة: «الحياة مبنية على التوافق بين الزوجين، وإن لم يحدث هذا التوافق يكون في النهاية الطلاق، لأن المرأة يجب أن تكون مستقلة بذاتها، وقادرة على اتخاذ القرارات، فهي قوية ولها مكانتها في المجتمع».