نادية الكامل: الست اللي متدلعش جوزها وتحببه فيها بتفقد جزء كبير من أنوثتها

هاجمت نادية الكامل طليقة الفنان أحمد الفيشاوي مجتمع النسوية، بعد أن انتشرت خلال الساعات الماضية تريند من تريندات النسوية التي تثير الجدل تجاه متطلبات المرأة وتحثها على التمرد والتنصل من واجباتها الفطرية الطبيعية التي من أساس إختصاصها.

وكتبتعبر خاصية ال”ستوري”، عبر صفحتها الشخصية، بموقع تبادل الصور والفيديوهات “إنستجرام”،متضادة للفكر النسوي، ورافضةً لأفكارهم، قائلةً:" الست ملزمة تخدم جوزها، وتراعى بيتها وحياتها، وملزمة ترضع عيالها، واللي يقول غير كده يبقي إنسان عوج".

وتابعت:" ملزمين لكن إلزام بالحب وبالفطرة، أومال إحنا ستات ليه؟ أنا باخد بالي من أولادي وبحبهم، وأتمني أن أعيش وهم يرتاحوا ، بيتي والأولويات بتاعة بيتي أهم من أي حد، واللي يقول غير كده يبقي أفاق، كله بالحب والرضى بيمشى.

وتساءلت:" أومال أنتوا قارفينا ليه بحكاية نص المجتمع، محنا نص المجتمع فعلا، وحياتنا دي، والست اللي متدلعش جوزها وتحببه في حياته وفيها تبقي فقدت عنصر مهم جدا من انوثتها".

وأكدت:"هو فيه أحلي من إنك تكوني متجوزة ومرتبطة بالرجل اللي بتحبيه؟ ويكون داخل بيته وأنتي عامله كل حاجة تريحه، علشان تتبسطوا والحياة تمشي. وأضافت:"الست دايما بتدي وبتصبر لحد مابتزهق لكن احنا كستات عندنا مخزون لا ينضب من الحب والتضحية لحبايبنا". وأختتمت:" سيبوا الستات في حالها وفي بيوتها الحكاية مش ناقصه تسخين".