محمد عطية: أنا مش مع حكم إعدام محمد عادل قاتل نيرة أشرف أو إذاعته.. وممكن يتحكم عليه بالمؤبد

علقالفنان محمد عطية، على قضية الضحية نيرة أشرف والمتهم محمد عادل بعد ما أحدثته من بلبلة الرأي العام.

وقال الفنان محمد عطية: “أنا مش مع الحكم بالإعدام على محمد عادل قاتل نيرة أشرف ممكن يتحكم علية بالمؤبد أو إذاعته”، مستنكرًا إعلان عذريتها كما أنه شدد على محاسبة المتسبب في ذلك الأمر وأنه ليس مع إعدام القاتل.

محمد عطية يعلق على الإعلان عن عذرية نيرة أشرف

وقال محمد عطية، خلال إحدى اللقاءات التلفزيونية: الرجل الشرقي بيروح يجيب واحد متحررة وعايز يغيرها، طيب ما تروح تجيب واحدة شبهك من الأساس.

وتابع: اللي حصل في موضوع نيرة أشرف التشريح ده موجود في كل جرائم القتل، لكن إعلان فكرة هي عذراء ولا لأ، دي حاجة المسؤولين المفروض يحاسبوا المتسبب عليها جدًا، لأن دي بتعكس إزاي المجتمع بيحكم على على المرأة أو القتيلة من خلال شرفها اللي بيتمثل في علاقاتها الجنسية.

وأضاف: طب ليه الست عندها شرف والراجل لأ؟ مش فاهم، هل علشان الرجل معندوش علامة إنه فقد عذريته هل كده لم يفقد عذريته؟.

واستطرد: العذرية ليست دليل على شرف المرأة ولا على علاقتها الجنسية ولا أكلها ولا شربها، أنا مع المساواة 100% الل يطبق على الراجل يطبق على البنت.

محمد عطية ضد الإعدام على قاتل نيرة أشرف

وأردف: أنا مش مع حكم الإعدام على قاتل نيرة أشرف، ولا مع إذاعة تنفيذ الحكم، يعاقب بالمؤبد ويضيع عمره وهو بيعذب في السجن، أنا عندي مبدأ إنه لا يجوز إني أنجرف وراء عواطفي وأبقى شخص مشابه للشخص اللي ارتكب الجريمة لأني هبقى زيه في وقت من الأوقات".

واختتم محمد عطية حديثه قائلًا: "لو حد تعرضلي بأي شكل ورديت له بنفس الفعل بتاعه هبقى زيه، أنا في الأخر في هذا العالم الغريب لازم الواحد يحافظ على إنسانيته على قد ما يقدر".

وعلى الصعيد الآخر، كان وكتب محمد عطية عبر حسابه الرسمي بموقع التواصل الإجتماعي “فيسبوك”: “أنت بتمثل يبقى لازم تطوع نفسك لكل ما يتطلبه منك الدور من لبس وشكل وأداء يناسب الشخصية اللي أنت بتلعبها مش العكس.. يجيلك دور تقوم مطوعه ليتماشي مع معتقداتك الشخصية، مفيش حاجة اسمها كدا، لو مستحرم التمثيل متمثلش، إنما تقعد تقولنا ادعاءتك الإخلاقية ليه؟”.

وأضاف: “مش عجبك التحرر الإبداعي متتفرجش.. ومفيش حاجة اسمها الفن النظيف ده مصطلح مضلل مالوش أي معنى، في حاجة إسمها فن، نقطة، عاجبك بالتحرر الإبداعي فيه أهلاً وسهلاً مش عاجبك أتفضل متشاركش ومتتفرجش”.