محمد عبد الرحمن يتكلم عن أزمته الصحية: "قلبي فقد 67% من كفاءته"

تحدث الممثل ​محمد عبد الرحمن​ عن الأزمة الصحية التي تعرض لها، وعن كواليس عملية القلب المفتوح التي خضع لها.

تصريحات محمد عبد الرحمن مع منى الشاذلي

وقال محمد عبد الرحمن،جاء خلال حواره مع منى الشاذلي فيبرنامج "معكم ​منى الشاذلي​: "حسيت أن صدري تقيل كده تعبت، وقعدت أكح بشكل متواصل ورا بعض ومكنتش قادر، قلت لا هروح مستشفى بقي، لأن أوكسجيني قل وضربات قلبي سريعة. روحت ظبطولي الاكسجين وتاني يوم كان عندي تصوير، قالوا لي مش هينفع تخرج النهاردة هتخرج بكرة قلت تمام، لحد العصر كان الأكسجين رجع تاني والدنيا جميلة. فجأة الدكتور قال لهم لزيادة الاطمئنان اعملوا له إيكو على القلب..فاكتشفنا ان القلب شغال منه 33% بس، قالوا لي لازم تعمل قسطرة استكشافية عملوها”.

وأضاف عبد الرحمن: “وقالي لازم عملية قلب مفتوح، أول ما قال لي اتخضيت لكن فضلت أقول الحمد لله. اللي حصل لي كان حاجة كبيرة أوي بس ربنا عداها بردًا وسلامًا، خاصة إن أنا كمان كنت مدخن، يعني عندي عادة سيئة".