«متمشوش ورا لجان الأهلي».. مرتضى منصور يوجه رسائل نارية لجماهير الزمالك
![المستشار مرتضى منصور رئيس نادي الزمالك المستشار مرتضى منصور رئيس نادي الزمالك](https://media.besraha.com/2023/8/large/4/9/812.jpg)
وجه المستشار مرتضى منصور، رئيس نادي الزمالك، رسائل إلى جماهير القلعة البيضاء، بعد الأنباء التي ترددت في الساعات الماضية عن موافقة إدارة النادي على بيع أحمد سيد «زيزو»، جناح الفريق الأول لكرة القدم بالقلعة البيضاء إلى صفوف الريان القطري، خلال الميركاتو الصيفي الجاري، مقابل 5 ملايين دولار.
تصريحات مرتضى منصور عن صفقة بيع أحمد سيد زيزو
وقال مرتضى منصور، في تصريحات تليفزيونية عبر فضائية «الزمالك»: «من فضلكم اهدوا أنا مش كل يوم هدخل في موضوع، مرة طارق حامد، ومرة أبوجبل، ومرة بن شرقي، ومرة زيزو، أنا مش قاعد على مدار الساعة نشرة أخبار، اللاعب ده ماشي واللاعب ده قاعد!».
وأضاف: «أنا بقالي 48 ساعة بخلص في اللاعبين المصريين الأفضل في مصر، وأنا بتواصل مع مسؤولي جميع الأندية، ولكن مين يقدر يشتغل في الجو ده، ده مناخ غير مناسب للعمل».
وتابع: «افرض زيزو قالي عاوز أمشي هكتفه وأقعده! متمشوش ورا سوشيال ميديا الأهلي ولجانه.. إحنا عندنا ماتش مهم يوم 9 في قطر الماتش ده فيه مليون و500 ألف دولار، نخلينا مركزين في الماتش ولا نمشي ورا الشائعات؟».
وأكمل: «يا جمهور الزمالك إنت واعي ومحترم ومتحضر جدًا، متمشيش ورا لجان الأهلي، فهو فاشل في اختيار المدرب جايب اتنين مدربين ومشاهم في نصف الموسم (اللي أنا كنت بعمله زمان) بس أنا بتعلم وهو مش عاوز يتعلم، من 82 الأهلي لم يحصل على المركز الثالث، في الموسم الماضي طلع ثالث، وانتوا واخدين دوري وكاس».
واختتم: «يا جماهير الزمالك افرحوا بفريق كرة القدم الفائز بالدوري والكأس، وفريق اليد الفائز بالدوري والسوبر وإفريقيا، وفريق السلة اللي طلع ثالث العالم».