«رنا» انتحرت يوم حفل تخرجها.. طالبة الدقهلية أنهت حياتها بسبب سوء المعاملة من أهلها وتناولت «الحبة السامة».. ووصيتها الأخيرة: «أهلي ميمشوش في جنازتي»

حادث مأساوي شهدته قرية بلقاس بمحافظة الدقهلية، بعدما أقدمت رنا على الإنتحار بسبب إهمال أسرتها لها ومعاملتهم السيئة، حتى قررت صاحبة الـ 21 عام أن تنهي حياتها عن طريق تناول “حبة الغلة”.

رسالة رنا لـ أهلها

وتركت الفتاة،رسالة مؤثرة قبل انتحارها وكتبت على صفحتها عبر مواقع التواصل الاجتماعي "فيس بوك": "أنا حزينة حزينة أوي إني وصلت للمرحلة دي، وأنا بكتب الرسالة دي مش شايفة من كتر الدموع اللي بتنزل من قلبي مش عيني"

وتابعت: عمري ما حسيت بحنية أم ولا أب ولا أخوات ولا أصحاب، أنا تعبت تعبت أوي واستحملت كتير أوي بس أنا إنسانة عندي طاقة مش قادرة استحمل كل ده لوحدي، أنا بس كنت محتاجة حد يطبطب عليا وياخدني ف حضنه أنا عمري ما حسيت بحنية أم ولا أب ولا أخوات ولا أصحاب، أنا عايشة لوحدي حرفياً رغم وجود الناس دي حواليا أنا لوحدي".

انتحار طالبة جامعية في الدقهلية

واستطردت: "الوحدة وحشة أوي ومُتعبة أوي أنا اتهلكت وأتأذيت واتخذلت من أقرب ناس ليا وف الآخر يتقالي معلش، محدش يكلف نفسه يفكر فيا ولا يفكر ف احساسي، أعيش ليه! أعيش لمين؟ أنا ف الوقت ده كنت عاوزة بس اللي يحسسني إني استاهل اتحب وأن حد يفضل معايا عشاني عشان بيحبني، أنا حاربت الناس كلها عشان ابقي كويسة وكل محاولاتي فشلت، اتأكدوا إني موصلتش لهنا بسهولة كدة لا والله أنا عافرت عشان موصلش بس للأسف الحزن كان أقوى مني".

تفاصيل انتحار فتاة جامعية في الدقهلية

وكان اللواء مروان حبيب مدير أمن الدقهلية، قد تلقى إخطارًا من مدير المباحث الجنائية يفيد بورود بلاغ لمركز شرطة بلقاس من مستشفى بلقاس المركزي بوصول فتاة تدعي " رنا. ج " 22 عامًا، مصابة بحالة إعياء شديدة نتيجة تناولها قرصا كيماويا"حبة الغلة السامة".

وعلى الفور، انتقل ضباط المباحث الجنائية وتبين مصرع الفتاة، وذلك لمرورها بحالة نفسية سيئة وتعاني من اكتئاب بسبب معاملة أهلها، وتحرر عن ذلك المحضر اللازم، وجاري العرض على النيابة العامة.