بسبب حفيد فؤاد المهندس.. عارفة عبد الرسول: أنا متعاطفة جداً مع أبناء المشاهير

عبرت الفنانة القديرة عارفه عبدالرسول عن مساندتهاوتعاطفها، مع أبناء المشاهير، لما يتعرضون له من ضغوط وتعديات من قبل بعض الفنانين، نتيجة كونهم أبناء مشاهير.

وكتبت عارفه عبدالرسول منشوراً، عبر حسابها الشخصي، بموقع التواصل الإجتماعى، قائلةً:"انا متعاطفه جدا مع أبناء المشاهير...الناس بيقولوا خد فرصه عشان ابن فلان ومهما اتشقلب وعمل اللالى لازم يقارنوه بالاسم الاصلى ويفضل طول عمره متحمل رزالات مالوش فيها ذنب".

وتابعت:"باشتغل اليومين دول مع مخرج منهم ..شايف كويس تفاصيله مالهاش حل محترم مع الصغير قبل الكبير ورغم خبرتى اللى على قدى ااقدر ااقول انه حايبقى مخرج كبير من اللى يتعدوا ع الصوابع دول".

وأكدت:"الاقى واحد جاى يعمل مشهد يقوله عشان انت حفيد الاستاذ جايبنى اعمل كلمتين وبس...واحد من المجاميع المفروض بيعلق يافطه فى المشهد واحنا بنقوله...يمين شويه شمال شويه...قوم هو بيحرك اللوحه وبيترقص بطريقه غريبه ..

وأضافت:"المخرج يقوله بلاش كده حرك ايدك بس يقوله...احنا تلامذه الاستاذ واتعلمنا منه...طب ياسيدى كتر خيرك ممكن تحرك ايدك بس ...وهكذا".

وأختتمت:"والله بيصعب عليا وهو بيقابل ده بابتسامه لطيفه، قلبى عندك يابنى، المخرج عمر المهندس".

والجدير بالذكر أن، كشفت الفنانة عارفة عبد الرسول عن الصعوبات التي واجهتها في فيلم "كيرة والجن"، الذي يؤدي بطولته الفنان كريم عبد العزيز والفنان أحمد عز، وعرض مؤخرًا في السينمات.

وقالت عارفة عبد الرسول في تصريح خاص لـ"بصراحة": "فيلم كيرة والجن صعوبته في المجموعات الكتيرة، والناس الكتيرة، يعني تلاقي مثلًا 300 عسكري، في المكان اللي بنصور فيه، وفي مشهد في دنشواي كنت واقفه أنا وسلوى علي في وسط النار، وبنحاول ننقذ الناس اللي هتتشنق". وواصلت: "وفجأة السقف اللي فوقنا، ولع وابتدى يقع علينا، فاحنا جرينا، بالإضافة لده الوقت الطويل اللي خدناه في تصوير الفيلم".