مينا عطا لـ«بصراحة»: بحب أغاني الراب حتى لو مش فاهمها

كشف الفنان مينا عطا، عن حبه الشديد لـ أغاني الراب والمهرجانات، مشيرًا إلى أنه يحب سماعهما رغم أنه لا يفهم ويحب ويجز جدًا.

وعن أعماله المقبلة تابع مينا عطا في تصريح خاص لـ”بصراحة”: بعمل غنوة مختلفه اسمها باد بوي، مع رنا سماحة ومختلفه عن الاغاني اللي عملناها جدًا، وعامل أغنية اسمها أشطا وعسل، مصورها في لبنان كلمات والحان وتوزيع محمد شفيق وهتنزل بعد أغنية باد بوي مع رنا سماحة.

رنا سماحة تفتتح مشروعها الجديد

من جانبه كانت قد كشفت الفنانة رنا سماحة افتتاحها مشروع جديد وقالت في تصريح خاص لـ”بصراحة”:كنت بحلم بالمشروع أنا وسامر من قبل ما نتجوز، وكنا بنفكر نعمل حاجه برا المزيكا، وكانت الفكرة اننا نعمل مطعم وكافية، وخدنا وقتنا وفكرنا وعملناه.

وواصلت:مش غلط ان يكون عندك بيزنس خاص بيك برا المجال بتاعك، ده مش هيأثر عليك بالعكس بيكون طموح تاني خالص برا المجال بتاعك، ولو نجح هيكون نجحت في مشروعك الجديد بجانب نجاحك في مجالك الاساسي.

وعن تأثير مشروعها الجديد عن مجالها الفني قالت رنا سماحه:البيزنس ملوش علاقة بشغلنا كفانين، ومش هيأثر على شغلنا، واحنا بنتابع يعني مش سايبينه.

وأضافت:الوسط الفني مبقاش مضمون، ومش عيب اننا نحسن حالتنا المادية بمشروع بعيد عن الفن، وكلنا بقى عندنا التزامات أكبر، وعندنا طموح اننا نبقى احسن واعلى.