تصريحات نارية من حسام حسن حول علاقته بالقلعة الحمراء.. عمرنا ما نبيع النادي الأهلي.. وجبنا بطولات أكتر من صالح سليم| انفوجراف
أثار حسام حسن، نجم الأهلي والزمالك السابق، وأحد أساطير الكرة المصرية، جدلاً واسعاً حول علاقته بالنادي الأهلي، وتداعيات رحيله عن القلعة الحمراء، في ظل رئاسة صالح سليم، الرئيس التاريخي للشياطين الحمر.
حسام حسن يتهم البعض بتشويه صورته داخل الأهلي
ولمححسام حسن، كابتن منتخبمصرالسابق، ونجم الأهلي والزمالك السابق، إلىإلى تزوير عدد أهداف محمودالخطيب، أسطورة النادي الأهلي ورئيسه الحالي، بالدوري المصري الممتاز.
وأوضح حسن أن في تصريحات تليفزيونية عبر فضائية «إم بي سي مصر»، أن هنالكالبعض داخل القلعة الحمراء يحاول تشويه صورته كرمز من رموز النادي الأكبر في أفريقيا.
تصريحات حسام حسن عن الخطيب
وقال حسام حسن: «إحنا رجعنا من سويسرا على النادي الأهلي ولم نفرض شروطنا على صالح سليم للعودة واحنا في بيته وصلاح حسني، كان حاضرًا تلك الجلسة وهشام سليم، كان متواجدًا مع والده، إحنا مخدناش حتى 30 ألف جنيه ومقولناش نجيب حاجتنا ازاي من الغربة ومقولناش إحنا لسه مخدناش بيت في مصر ومقولناش إحنا لسه متجوزناش».
وأضاف: «لم نضع أي شروط للعودة للأهلي ولم نطلب تأمين مستقبلنا ولكن إحنا جايين الأهلي عشان احنا متربيين في النادي الأهلي وكنا بنام في الاستراحة وتعاملنا مع مدربين عظام مثل عادل طعمية، عرفنا يعني إيه النادي الأهلي».
وواصل: «أنا مشيت من النادي الأهلي وأحرزت 109 أهداف للأهلي في بطولة الدوري يعني أكثر لاعب منذ إنشاء الكرة المصرية أحرز أهدافا للنادي الأهلي».
وأردف: «محمود الخطيب اعتزل وهو أحرز 101 أو 103 أهداف، تفاجأت بعد ذلك أنا 109 والخطيب 109، عشان ميتقلش حسام حسن هو الهداف التاريخي للأهلي في الدوري»
وأضاف: «أنا مش معايا إعلام عشان يدافع عني ويصحح تلك المعلومات، ولكن وجودنا في الأهلي يشرفنا وعدم وجودنا لحد تاني مش عاوز يدخلنا دي خلاص مش بإيدينا».
وأتم:«بس لازم الجماهير الصغيرة يعرفوا إحنا من كباتن الأهلي ومشينا إزاي وإننا عمرنا ما نبيع النادي الأهلي ولا بفلوس الدنيا كلها واسألوا الزمالك، لما رحنا لم نضع أي شروط مالية، إحنا كنا رايحين نلعب كورة عشان نادينا اللي تربينا فيه مش عاوزنا».
أنت مين يا رضا
هاجم حسام حسن، المدير الفني للفريق الأول لكرة القدم بالنادي المصري البورسعيدي، رضا شحاتة، نجم الأهلي السابق، بعد تصريحه الأخير بصعوبة عودة التوأم للنادي الأهلي مرة أخرى من خلال تولي تدريب فريق الكرة، كما وجه رسائل نارية لمسؤولي الأهلي السابقين.
وقال حسام حسن، في تصريحات تليفزيونية عبر فضائية «إم بي سي مصر»: «إدارات النادي الأهلي في الفترات الماضية، أعطت الفرصة لأي حد يتكلم على رموز وأولاد النادي الأهلي اللي بجد».
وأضاف: «لما ييجي رضا شحاتة، قعد في الأهلي سنة ولا سنتين يقول أنا عارف الأهلي كويس وعارف داخليات الأهلي كويس! أنت لعبت شهرين ولا سنة يا رضا مع احترامي الشديد ليك، انت جاي من المنصورة لعبت في الأهلي سنة على راسنا ولكن انت مش ابن النادي».
وأكمل: «النهارده لما ييجي وائل جمعة يلعب في الأهلي سنتين ولا تلاتة ولا أربعة وييجي أبوتريكة يلعب ست سنين ولا خمس سنين، هو مش ابن النادي الأهلي، وييجي عصام الحضري، يلعب 5 ولا 6 سنين ويقولك أنا ابن الأهلي، هما مش أبناء الأهلي هما أضافوا للأهلي زي ما أنا وإبراهيم روحنا الزمالك لعبنا 4 مواسم وخدنا بطولات أكتر من رموز نادي الزمالك مثل حسن شحاتة وفاروق جعفر وأكبر لاعب في الزمالك ماخدش البطولات اللي خدناها مع النادي في 4 مواسم، ولكن احنا مش ولاد نادي الزمالك ولكن تشرفنا بوجودنا في نادي الزمالك ومبقولش احنا أولاد الزمالك و(اتشعبط فيه) ومبقولش أنا عارف داخليات الزمالك، زي رضا، جاي سنتين ولا تلاتة ولا سنة، ويقولك أصل أنا عارف داخليات الأهلي وحسام وإبراهيم مش هيدخلوا النادي الأهلى! أنت مين يا رضا معلش، مين اللي اداك فرصة للكلام ده».
وتابع: «أرجو قبل ما الناس تموت بما فيهم احنا، اعملوا برنامج وتشوفوا احنا مشينا إزاى ورجعنا من سويسرا إزاى، أخدنا شنطنا عشان صالح سليم قالنا النادي الأهلي محتاجكم والكابتن صلاح حسني كانت منتظرنا في البيت في سويسرا، أخدنا شنطنا من غير ما نعرف النادي وده مش عمل احترافي ولكن النادى الأهلي بالنسبة لنا حاجة كبيرة».
وواصل: «لما رجعنا الأهلي وأخدنا في 7 سنوات بطولات وكنت في منتخب مصر راجع من بطولة أمم 2000 لاقينا نفسنا بره النادي على الرغم من إننا كانت لدينا عروض من تركيا، ألاقى العقد خلص ويقولي شوفوا مصلحتكم».
وأردف: «من حق أي نادي يمشي أي لاعب، ولكن لما أمشي كباتن الفريق أقول أشكركم على ما قدمتوه لناديكم ويتم عمل حفل تكريم»، مضيفًا: «من حق الإدارة تقول شكرًا مش هنجدد معاك ولكن يتم تعويم الأمور ويقولك عاوزين حسام وإبراهيم لا، ده محصلش».
واختتم حسام حسن تصريحاته قائلًا: «لو هناك 12 أو 10 كباتن في تاريخ الأهلي أنا وإبراهيم من ضمنهم»، مضيفًا: «أتمنى يتعمل برنامج ييجي حسن حمدي ومحمود الخطيب وصلاح حسني، يقولوا احنا جينا ازاي من سويسرا ومشينا إزاي، مشينا غصب عننا، ولكن ربنا كرمنا وحصلنا مع نادي الزمالك على بطولات».
جوجل نيوز
واتس اب
جوجل نيوز
