محمود سعد يدافع عن شيرين عبد الوهاب: اللي بيتنمر عليها شخص متوحش

أعرب الاعلامي محمود سعد عن استيائه الشديد، من التنمر على الفنانة شيرين عبد الوهاب، بعد زيادة وزنها في الفترة الأخيرة، وانفصالها عن الفنان حسام حبيب.

وقال محمود سعد في فيديو له عبر حسابه الشخصي بموقع الفيديوهات الشهير تيك توك:من يتنمر على شيرين يبقى شخص متوحش، مش لأنها شيرين المغنية لأ لأنها مواطنة مصرية إحنا بنحبها، والعرب اللي بيحبوا الغنا كلهم بيحبوها وهي سيدة بتمر بمحنة، أعتبرها مبتغنيش بقي خالص ولا هي معروفة اعتبرها جارتك بتمر بمحنة هتعمل معاها ايه؟ لازم نقف جنب بعض.

محمود سعد يدافع عن شيرين عبد الوهاب

وأضاف: ضيف على ذلك إن الست دي بتغني غنا بنطرب بيه ونستمتع وصوتها جميل جد، أنا رأيي إن شيرين لسه مغنتش لسه هتغني حلو كتير أوي أوي.

وتابع: شيرين دي من الحاجات الحلوة في مجتمعنا العربي اللي بتقدم لنا حاجات تسعدنا.. فتيجي أنت تتنمر عليها عشان جسمها تخن شوية أو عشان مرت بظروف مش عارف ايه.. طب ما كلنا بنمر بالحاجات دي،التنمر ده شيء مخجل أصلا.. معرفش الواحد يتنمر على حد ويرحع بيته يعرف ينام ازاي!.