«لازم تروح المستشفى بدل ما نندم كلنا».. سائق الإعلامي وائل الإبراشي يكشف تفاصيل خطيرة لأول مرة| انفراد

ينفرد موقع بصراحة الإخباري بنشر النص الكامل للتحقيقات في قضية وفاة الإعلامي الكبير وائل الإبراشي.

وحصل موقع بصراحة على التفاصيل الكاملة لقضية وفاة الإعلامي وائل الإبراشي، والتي تضمنت أقوال الأطباء والمقربين واقوال شهود العيان في الواقعة.

وكشف “بهاء محمد ادريس عوض”،السائق الخاص بالإعلامي الراحل، وائل الإبراشي عن تفاصيل خطيرة لأول مرة في تحقيقات النيابة العامة.

وفيما يلي نص التحقيقات:

س\ ما هي البيانات المتوفرة بشأن كل من حارس العقار والمدعو\ محمد حلمي المذكورين؟

ج\ هو البواب اسمه إسماعيل ورقمه 01062780102، ومحمد ده رقمه 77009456

س ما هي وسيلة انتقالك ذهابًا إلى العيادة المذكورة وعودة منها إلى منزل وائل الإبراشي؟

ج\ انا روحت العيادة بالمواصلات ورجعت منها بتاكسي على بيت الاستاذ وائل.

س\ ومن الذي استقبلك حال وصولك إلى منزله؟

ج\ انا لما ضربت الجرس اللي فتحلي الباب الدكتور شريف وياسر الممرض.

س\ متى كانت ساعة وصولك تحديدًا؟

ج\ أنا وصلت قبل الساعة 8 الصبح يوم 31\12\2020 نفس اليوم اللي فيه الرسالة بتاعة الواتس اللي فيها رقم البواب ورقم محمد حلمي.

س\ وما هي كيفية التعامل مع المهمات التي احضرتها؟

ج\ هو الدكتور شريف طلب مني أنا وياسر أننا نطلعها الأوضة بتاعة الاستاذ وائل ولما طلعناهم فوق الممرض ياسر وصلهم للأستاذ وائل.

س\ وما الذي تلاحظ لك على حالة وائل الإبراشي في هذه اللحظة؟

ج\ أنا لا حظت إنه كان عنده صعوبة شديدة في التنفس وبينهج جامد.

س\ وما هو السبب في ذلك؟

ج\ اكيد بسبب ان الأكسجين نزل زي ما الدكتور شريف قاللي.

س\ وهل أفلح ذلك في تحسين حالته الصحية؟

ج\ لأ.

س\ وكيف وقفت على ذلك؟

ج\ من الدكتور شريف نفسه لما خرج من البيت وكان متوتر زي ما قلت.

س\ ما هي طبيعة الحوار الذي دار بينكما تحديدًا؟

ج\ أنا سألته مالك فهو قاللي الأستاذ وائل حالته اتدهورت جامد والمفروض يروح المسشتفى لكن هو مش عاوز كده ولو تقدر تقنعه اطلع معايا اقنعه فأنا ساعته فعلا طلعت معاه لأوضة الأستاذ وائل واتكلمت معاه وأقنعته بكده.

س\ وكيف تمكنت من إقناع وائل الإبراشي بذلك؟

ج\ أنا قلتله الدكتور بيقول إن حالتك بقت خطيرة ولازم تروح المستشفى بدل ما نندم كلنا بعد كده هو عمل اتصالاته والإسعاف جاتله عشان تنقله للمسشتفى .

س\ ومتى وصلت سيارة الإسعاف المذكورة للمنزل؟

ج\ هي وصلت العصر 31\12 \2020 ومش فاكر امتى بالظبط .