انفراد موقع بصراحة.. سائق وائل الإبراشي عن مقابلته لطبيبه الخاص: قولتله قاعد معاه إزاي من غير كمامة قالي ما هى كورونا لسا نازلة من فوق

كشف بهاء محمد إدريس عوض، السائق الخاص بـوائل الإبراشي، عن حواره مع شريف عباس الدكتور المختص بحالة الإعلامي وائل الإبراشي.

وقال عوض، في تحقيقات النيابة العامة: “قولتله إزاي حضرتك قاعد معاه من غير كمامة قالي بص يا عم بهاء ما هى الكورونا لسا نازلة من فـــــوق”.

قال بهاء محمد إدريس عوض، السائق الخاص بالإعلامي الراحلوائل الإبراشي، إن الطبيب الخاص بالراحل كان لا يرتدى كمامة ويدخن سجائر بجوار المكان الذي يجلس فيه الإعلامى الراحل.

وأضاف عوض، في تحقيقات النيابة العامة: “أنا شغال سواق مع الأستاذ وائل الإبراشي من حوالي 10 سنين.. وفى آخر سنة 2020 الأستاذ وائل جاله كورونا وكلمني في التليفون.. وطلب مني أجبله حاجات من السوبر ماركت.. وفعلا روحت واديتله حاجات وهو فتح وهو لابس الكمامة.. وأنا سيبتله الحاجات على الباب.. فساب الباب مفتوح ودخل يجيب فلوس من جوا.. وساعتها أنا لاحظت أن في شخص جوا البيت مش لابس كمامة وبيشرب سجارة.. عرفت بعد كده أنه هو الدكتور شريف عباس كان قاعد في مكان في الهول جنب المكان اللي فيه قعدة الأستاذ وائل بالظبط”.

وأكد سائق وائل الإبراشي: “أنا استغربت والأستاذ وائل طلع بعد كده اداني الفلوس وروحت جبتله الحاجات اللي هو عاوزها.. واستنيت قدام البيت جنب العربيةوسألت الدكتور وعرفني بنفسه لما شوفته نازل من فوق”.

وينفرد موقع “بصراحة” الإخباري بنشر النص الكامل للتحقيقات في قضية وفاة وائل الإبراشي،والتي تضمنت أقوال الأطباء والمقربين واقوال شهود العيان في الواقعة.