انفراد موقع بصراحة.. سائق وائل الإبراشي يفجر مفاجأة بشأن الأدوية الخاصة بعلاجه من كورونا

كشف بهاء محمد إدريس عوض، السائق الخاص بالإعلامي وائل الإبراشي، عن مفاجأة من العيار الثقيل بشأن الأدوية الخاصة بعلاج الإعلامي الراحل من فيروس كورونا.

وقال عوض، في تحقيقات النيابة العامة: “أنا معرفش الأدوية اللي كانت في الورق دي اسمها ايه لأني مليش في الإنجليزي لكن أنا لسه محتفظ بالرسالة اللي جات لي من على الواتس من الأستاذ وائل”.

وعرض سائق وائل الإبراشي محادثة بينه وبين الإعلامي الراحل، حيث تبين ورود رسالة محولة بتاريخ 28 ديسمبر 2020، مدون بها 5 أسماء أدوية باللغة الإنجليزية”.

وقال بهاء محمد إدريس عوض، السائق الخاص بالإعلامي الراحلوائل الإبراشي، إن الطبيب الخاص بالراحل كان لا يرتدى كمامة ويدخن سجائر بجوار المكان الذي يجلس فيه الإعلامى الراحل.

وأضاف عوض، في تحقيقات النيابة العامة: “أنا شغال سواق مع الأستاذ وائل الإبراشي من حوالي 10 سنين.. وفى آخر سنة 2020 الأستاذ وائل جاله كورونا وكلمني في التليفون.. وطلب مني أجبله حاجات من السوبر ماركت.. وفعلا روحت واديتله حاجات وهو فتح وهو لابس الكمامة.. وأنا سيبتله الحاجات على الباب.. فساب الباب مفتوح ودخل يجيب فلوس من جوا.. وساعتها أنا لاحظت أن في شخص جوا البيت مش لابس كمامة وبيشرب سجارة.. عرفت بعد كده أنه هو الدكتور شريف عباس كان قاعد في مكان في الهول جنب المكان اللي فيه قعدة الأستاذ وائل بالظبط”.

وأكد سائق وائل الإبراشي: “أنا استغربت والأستاذ وائل طلع بعد كده اداني الفلوس وروحت جبتله الحاجات اللي هو عاوزها.. واستنيت قدام البيت جنب العربيةوسألت الدكتور وعرفني بنفسه لما شوفته نازل من فوق”.

وينفرد موقع “بصراحة” الإخباري بنشر النص الكامل للتحقيقات في قضية وفاة وائل الإبراشي،والتي تضمنت أقوال الأطباء والمقربين واقوال شهود العيان في الواقعة.