.png "banquemisr")
"أنا مش بتاع تريند"..رامي جمال يكشف سر مساعدته المطرب النقاش أحمد سالم (فيديو)
كشف الفنان رامي جمال، عنالسبب وراء مساعدته للنقاش المغني أحمد سالم، بعدما تصدره التريند ومؤشرات البحث في جوجل وحديث السوشيال ميديا، لما أثاره من جذب إعجاب المشاهدين لموهبته الغنائية المميزة.
فعلق رامي جمال من خلال فيديو نشره، لجمهوره ومتابعيه، عبر خاصية ال"ستوري"، بموقع تبادل الصور والفيديوهات "إنستجرام"، قائلاً:" أنا شايف القبول اللي ربنا كتبه للفنان أحمد سالم، أحمد فنان بدرجة ماشوفتهاش في حياتي مرتين تالتة، أنا شايف القبول والحب ده حاجة مبتحصلش كل يوم".
وأعرب:" فرحان جدا جدا، إن مازال الصوت الحلو والفن الحقيقي، الناس بتحبه وتدعمه، فيه ناس فرحانة وبتشكرني، إني بساعد أحمد، أنا مش بساعده أنا بساعد نفسي كفنان وملحن، بحاول أسهل عليه مشواره في الفن".
وتابع:" أنا مش بساعد علشان التريند، دي مش شخصيتي ولا كانت، لإن مافيش حد ضامن يعمل حاجة ونيته مش صافية هتوصله للي هو عايزه".
وأضاف:" أنا عايز أقول أن أكيد فيه موهوبين وانا بطمنكم أن فرصكم جاية زي أحمد ده رزق من ربنا".
وأختتم:" زي ماربنا وقفني لأحمد هيوقف لكم أنتوا كمان، جاي لرزقكم ميعاد ولو ربنا كرمني في مشروع أحمد ده هيبقي كمان تشجيع للمبادرة الفنانين بمساعدة المواهب".
وفي هذا السياق، تصدر الشاب أحمد سالم تريند مواقع التواصل الاجتماعي خلال الساعات الأخيرة، وذلك بعد نشر الفنان رامي جمال مقطع فيديو له عبر حسابه الشخصي بموقع التواصل الاجتماعي انستجرام،وطالب الجمهور بالبحث عنه، لمقابلته، وإنتاج العديد من الأعمال الفنية له نظرا لصوته الرائع.
واىلتقت كاميرا «بصراحة» مع الشاب أحمد سالم، الذي أكد أنه يعتز بعمله كنقاش، وأن مهنته يرأ أنها لا تمثل له أي عائق، مؤكدًا أن شقيقه وزوجته هما من شجعاه على إخراج موهبته للجميع.
وقال في لايف بصراحة: رفضت حذف فيديو غنائي وأنا شغال في النقاشة من اليوتيوب، رغم أن فيه ناس قالت أنه هيقل مني، بس أنا بعتز بشغلانتي كنقاش، والكلام السلبي بسمعه من الناس وبحترمه، وفيه ناس قالتي سيب الغنا وجرب الإنشاد الديني.
ووكان قد تواصل موقع "بصراحة"، أحمد سالم المشهور بـ"المغني النقاش"، ليكشف لنا بداية موهبته، وقال في تصريح خاص: "الموهبة موجودة في عيلتنا يعني كلنا بنحب نسمع أغاني ونغني، وصوتنا كلنا حلو، بنحب كلنا ندندن يعني لو عندنا فرح بنحب كلنا بنغني".
وعن بداية ظهور موهبته قال: الموهبة ظهرت عندي من سن 8 سنين، الفيديو المنتشر من سنتين، ومعظم اللي كان بيشجعني أصحابي وأهلي.
وأضاف: السبب الرئيسي في اظهارها الفضل يرجع للاستاذ عمرو حسن، هو اللي شير الفيديو وهو اللي عمل الشغل ده كله.
وواصل: أنا عمري في حياتي ما شوفت عمرو حسن ولا كنت اعرفه خالص، وهو شير الفيديو لوحده من غير سابق معرفه. وتابع: أنا لما ظهرت مع عبد السلام في فرح شعبي، فمكملتش عشان كل اللي بيبقى في الافراح أهلي فبتكسف جامد وبخجل إني أغني معاهم في أفراح.
وأختتم أحمد سالم قائلًا: رامي جمال اتواصل معايا واتكلم إنه هيعمل معايا أغنية ولسا هقابله ان شاء الله.
وكان المطرب رامي جمال، نشر عبر حسابه الرسمي بموقع تبادل الصور والفيديوهات الشهير"إنستجرام"، صورة لشباب نقاش، يقوم بالغناء، بشكل رائع، معربا عن اعجابه الشديد بصوته، مطالب متابعيه بضرورة التواصل مع هذا الشاب.
جوجل نيوز
