مواطن يستغيث من فيلل الـ100 مليون جنيه: مينفعش يكون فيه جنبي واحد شاري بـ40 مليون جنيه دي بقت مساكن شعبية 

فيديو مدته لا تزيد عن دقيقتين، أثار الجدل على مواقع السوشيال ميديا، بعدما قرر أحد المواطنين شراء فيلا سعرها 100 مليون جنيه في الساحل الشمالي، وفوجئ بهبوط الأسعار لـ40 مليون جنيه.

دي أرزاق يا جماعة عشان محدش يزعل.. بكلمات غاضبة وجه المواطن عبارات استفزت المصريين على موع فيسبوك، وقال: "مساء الخير يا جماعة، بالنسبة للناس اللي بتتكلم علينا وبقولوا فيه ناس معاها فلوس وبتشتري فيلل بـ100 مليون في الساحل دي أرزاق".

وأضاف: "احنا ناس بنحب الخصوصية جدًا فوق ما تتصوروا وإحنا شارين فيلل الساحل دي عشان خاطر ننسى التعب والمجهود اللي بنبذله في حياتنا عشان نحقق صفقات نجيب من وراها الفلوس دي عشان نعرف نتبسط ونقضي وقت جميل في أملاكنا".

وتابع: "متزعلوش أوي يا جماعة، زي ما أنتوا زعلانين كدا أنه فيه ناس معاها فلوس وبتشتري فيلل بـ100 مليون جنيه، متفتكروش إن احنا مبسوطين بالعكس احنا فوجئنا معانا في نفس المكان فيلل بـ40 مليون و17 و9 مليون بس".

واختتم الفيديو: "دي حاجة حزنتني جدا وفكرت إن أنا مروحش، وعايز أقولكم خبر مش كويس هو إن أنا مش هروح أقعد مع ناس أقل مني في المستوي أنا شاري فيلا بـ100 مليون يقعد معايا ناس بـ100 مليون، لكن مينفعش يسكن معايا في نفس المكان ناس شارية بـ 40 و9 مليون، أعتقد إنه كدا بقت مساكن شعبية".