«تدخلي تولدي تطلعي بعيل مش ابنك».. أم تصرخ بالدموع: الممرضات بدلوا بنتي في الحضّانة

«الممرضات بدلوا بنتي في الحضّانة».. واقعة مأساوية وبيزنس من قِبل بعضًا من طاقم التمريض داخل المستشفيات، يُبدلن الأطفال بدون علم أهلهم داخل الحضّانات، بطرق بشعة وغير قانونية، مستغلين انشغال الأهل والأقارب بالسيدة الواضعة وعلى إثر ذلك يفعلن الجريمة بكل دقة وحسم إلا أن هُناك من فضح آمرهم وكشفت الطريقة، ولكن بعد تبديل عدد من الآطفال لا يُعد ولا يُحصى.

وقالت إحدى الضحايا التي بُدلت طفلتها بإحدى المستشفيات بمنطقة السلام (إيمان سيد حسنين)،خلال بث مُباشر على موقع «بصراحة الإخباري»، والدموع تنزف من عينيها بكل حرقة وألم: «أنا عشت معاناة ربنا ما يوريها لحد، بنتي اتبدلت مني وكان فيه إهمال في المستشفى، ولكن بعد شهر من إجراءات تحليل الـ (DNA)، من قِبل المستشفى ووزارة الداخلية عرفت أنها مش بنتي».

وأضافت: «أداما فيه إهمال يبقى كل واحد ياخد حقه، وبعد شهر طلعت مش بنتي، ممكن بيوت تتخرب وممكن كوارث تحصل، ولما جيت أمشي من المستشفى الناس قالتلي شوفي الأسورة إللي في بنتك بشوف الأسورة لقيتها مش بنتي، وبنتي مع حد تاني الحمد لله اني اكتشفت الموضوع بدري طيب فيه كام واحد حصل مع كام واحد كده».

وأكدت: «بعد ولادة البنت وجيت خارجة لقيت واحدة بتقول فين “ايمان سيد” رديت عليها بتقولي اقرأي الأسورة إللي على رجل بنتك بشوفها لقيت الأسورة بإسم “سمر ربيع”، طيب ايه اللي جاب ده لـ ده، بقولها يعني ايه قالت يعني البنات اتبدلت، والكيس اتفضى في بطني والدكتور كان سايبني هموت وراميني».

وتابعت: «الممرضة بكل سهولة قالت لا دي الأسورة بس اللي اتبدلت وشالت الأسورة وخلاص، ولكن عرفت بعد شهر، وحسيت أن البنت بتقولي انتي مش أمي، وعرفت انها مش بنتي، وعشت أيام صعبة أوي، وكل شوية بوهم نفسي أنها بنتي، وقبل الأسبوع بيوم اتصلوا بينا عشان نعمل التحليل مجانًا، ولما روحنا المستشفى حصل شد ما بينا مع أهل البنت التانية».

وأعربت: «أهل البنت التانية قرروا اننا نعمل تحليل في معمل برا عشان نتأكد زيادة، روحنا معمل عملنا تحليل بـ 24 ألف جنيه، وأكتشفنا بعد شهر أنها مش بنتي، وزوجي بلغ المديرية، ولقينا الشرطة جت وإحنا تحت وقال الضابط فيه بلاغ بإسم “محمد حنفي”، قولت أيوة معانا البلاغ، وطلع سأل المدير واتأكد أن البنات متبدلة».

وأنهت : «دي مصيبة كارثة، ممكن تحصل كوارث بسبب الموضوع ده، دي جريمة وفساد مش هينفع نسكت عليه، كفاية اللي عشته دي أيام صعبة أوي، إحنا كنا بنتعذب عارفين يعني ايه أم تطلع من المستشفى معاها بنت مش بنتها، ولكن قدمنا بلاغ بعد ما ادارة المستشفى قالت خلوا الشرطة تنفعكوا، ولقينا فيه استهتار من إدارة المستشفى».