حادث أفقده الحركة.. مأساة «أحمد» في البحيرة تبكي الحجر (فيديو)

مأساة حقيقية يعيشها "أحمد" صاحب الـ37 عاما، بعدما أصبح طريح الفراش وتبدلت أحواله وحياته رأسا على عقب، وأصبح غير قادر على العمل، بعد تملك المرض منه وسيطرته عليه.

قال أحمد خلال لايف موقع بصراحة: "كنت شغال بياع على عربية كارو، جالي دور سخونية وقعدت في المستشفى سنة ونص والدكاترة كانوا محتارين في تشخيص الحالة، كنت هموت وربنا نجاني وبعد كده عملت حادثة عملتلي شلل نصفي".

وأضاف الشاب الثلاثيني: "مباخدش العلاج عشان لا أملك تمنه، مبروحش للدكتور عشان معيش تمن الكشف، مش قادر أشتغل وبقيت قاعد على كرسي متحرك ومعنديش مصدر رزق غير معاش صغير وأنا قاعد في شقة إيجار وعندي طفلين في المدارس عاوزين مصاريف".

وتابع: "نفسي أرجع أمشي على رجلي تاني وأعرف أدخل الحمام لوحدي بطلع السلم وانزل زحف على الأرض، وعاوز أهل الخير يجيبولي موتوسيكل يسهل عليا الحركة".