رشوان توفيق لـ«بصراحة»: روح الرئيس السادات جتلي وصرخ في وشي وقالي لا إله إلا الله

كشف الفنان رشوان توفيق، حقيقة ما تردد من أنباء عن زيارة الأرواح له خلال نومه أو جلوسه بمفرده في المنزل.

قال توفيق خلال لايف موقع بصراحة: "أحد الصالحين قالي أن رؤيتي للأرواح ده "منة" من الله عليا، وفيه ناس قالتلي ده لأني بذكر ربنا كتير، وناس قالتلي متتكلمش في الموضوع لأنه سر بيني وبين ربنا، شوفت الرئيس السادات والفنانة شويكار".

وتابع الفنان القدير: "لما الرئيس السادات جالي في البيت، حط إيده على كتفي الشمال، وكان لابس بدلة التشريفة الزرقاء مش السوداء اللي استشهد بيها، راح صارخ بقوة شديدة جدا وقال لا إله إلا الله، وراح مكرر الشهادة تاني، وأول ما قولتله محمد رسول الله، ايده اتسحبت من على كتفي واختفى".