محمد بطل إطفاء كنيسة إمبابة: مشيت حافي على الإزاز المكسور عشان انقذ الناس

كشف محمد أحد أبطال انقاذ حريق كنيسة أبو سنين، كواليس انتشار الحريق مشيرًا إلى أن الوضع كان صعبًا للغاية وكان يحاول انقاذ الناس بقدر الإمكان.

وقال محمد خلال لقائه مع موقع بصراحة:أي حد مكاني كان هيعمل نفس الحاجه ويمكن أكتر.. أنا أول ما شوفت الدخان، اتصلت بالمطافي على طول.

وواصل:لما لقيت جثث قلعت الشبشب وجريت على فوق ونسيت إني حافي، بس كنت حاسس إني رجلي مفتوحه وماشي على الإزاز بس كنت بجري عشان عايز اساعد حد وأكتر من 50 شاب كانوا بيساعدوا وبيشيلوا الناس وبنغطي أي واحده لو رجليها اتعرت او حاجه عشان الحريق بوظ هدومهم.

وأضاف:كان في راجل كبير قاعد على التكييف وبيترعش وكان عايز ينط واقوله بالله عليك متنطش متخافش المطافي تحت، وحطينا ليه سلم عشان ميقعش، وواحد جنبي جابله غطى عربية عشان يسحبه، كنا بناول الجثث لبعض على السلم لأنهم كانوا كتير جدًا.