رشوان توفيق يكشف سر غيابه الفني: الأعمال مش مناسبة وبقى في خروج عن الأخلاق |خاص

كشف الفنان القدير رشوان توفيق سر غيابه الفني الفترة الأخيرة، مشيرًا إلى أن ما يُعرض عليه في الفترة الأخيرة أعمال لا تناسبة.

وقال رشوان توفيق في تصريح خاص لـ”بصراحة”: أنا والله موجود في الفن، ولكن كل اللي بيتعرض عليا الفترة دي لا يناسبني ، لكن دلوقتي مفيش حد بيكتب أدوار كويسه واللي بيبعتلي بيبقى دور مش كويس.

وعن رأيه بتحريم الفن، قال رشوان توفيق: الامام الشعراوي، السكين تقتل وتستفيد بيها هو قال كده في برنامجه، فالفن ممكن تستفيد منه وممكن يبقى مضر، واي حاجه في المجتمع مش الفن بس ممكن تبقى كويسه اخلاقيًا لكن الأعمال اللي موجوده دلوقتي منحرفة وفيها خروج.

إصابة رشوان توفيق بشرخ في القدم

من جانبه كان قد أُصيب الفنان الكبير رشوان توفيق بشرخ فى القدم بعد أيام من حصوله على جائزة الدولة التقديرية، ونشرت الإعلامية هبة رشوان على صفحتها الشخصية بموقع التواصل الاجتماعى منشورًا قالت فيه: الحاج رشوان وقع وحدث شرخ في القدم".

ونشرت ابنة الفنان الكبير صورة لوالدها وهو يضع قدمه فى الحبس، وتابعت: "بعد ما جبسها أخد الصورة للذكرى مع ابن عمي دكتور محمد شهاب الدين جراح التجميل، والدكتور وليد عبد الرحمن دكتور العظام اللي جبس له قدمه.. المهم النجم نجم برضه لازم الصورة حتى ولو في الجبس 30 يوم، ربنا يشفيك حبيبي وتقوم بالسلامة".

وكان الفنان الكبير رشوان توفيق قد حصل منذ أيام على جائزة الدولة التقديرية فى مجال الفنون وهو ما شعر معه الفنان الكبير بسعادة بالغة وعبر عن امتنانه بتقدير الدولة له وحب الناس الذى غمره بشكل كبير.