منال سلامة لـ«بصراحة»: نور الشريف كان مُبدع في أعماله وأحسن تربية بناته

حرصت الفنانة منال سلامة، على إحياء ذكرى وفاة الفنان نور الشريف، مشيرة إلى أنه كان يتمتع بأخلاق عالية، وإحترافية في العمل.

وقالت منال سلامة في تصريح خاص لـ”بصراحة”: الفنان نور الشريف كان في منتهى الذكاء ومنتهى الاحترام، ومنتهى الاحترافية ويتقن إن اللعبة الفنية لعبة جماعية، مش حد بيمثل أو بيجيب جوم لوحده، أو حد بيجيب جون لوحده، ويؤمن أن فريق العمل كله لازم يبدع، عشان في الاخر نجيب جون.

وواصل: هو راجل يكاد يكون صناعة الراجل ده انتج اخرج مثل، يعرف مفردات العقلية الفنية كلها، الراجل ده قد اي كان محب لزمايله وكان ملتزم جدا جدا وكان لما يقول ملحوظه لحد بيقولها وميحسسكش انه نجم وكان مثلا بيقول لو مش هتزعل كذا كذا.

وعن موقف حصل أمامها عند نصيحته لـ أحد فريق عمل إحدى المسرحيات، قالت منال سلامة: كان بيقول ملحوظة لحد في إحدى المسرحيات فالحد ده اضايق جدًا، فقولتله يبني أنت أهبل ده نور الشريف، لما يقولك ملحوظة تاخدها وأنت مغمض لانك بتتكلم مع حد تاريخ وخبره، وبيوقلهالك لصالح العمل.

وأضافت: نور اتعلمنا منه بشكل مباشر وغير مباشر، فاتعلمنا منه إن النجومية تواضع والنجومية التزام، مش الكلام اللي بنسمع عنه دلوقتي، وإن النجوم يبقى متباهي.

وأختتمت منال سلامة قائلة: نور الشريف كان بيساعد الكل وبيعمل خير شوفته من وراه بالصدفة، وكان عارف بيحط الخير فين، وكان راجل بيحيب يعمل، يعني كان ماشي بمقولة “خيركم من تعلو العلم وعلمه”، ده هو نور الشريف، فربنا يكرمه ويكرم بناته لأنه أحسن تربيتهم.

آخر كلمات نور الشريف قبل وفاته

من جانبه يحل اليوم ذكرى وفاةالفنان نور الشريف وكانت آخر كلماته قبل رحيله بأيام، خلال لقاء تلفزيوني: عشت أيامًا صعبة كثيرة، منها أيام في فترة الطفولة، وأيام في سن الصبا، ولكن أيام المرض هي الأصعب.. الصحة غالية وأنصح كل الناس بالحفاظ عليها، فقد توقفت عن التدخين لأنه خطر.

وواصل: أتمنى أن يقلع الجميع عن هذه العادة السيئة، ودائمًا أقول إن الإنسان يتعلم من كل التجارب الحياتية التي يمر بها، ولذا أعتبر تجربة المرض معلمًا كبيرًا، لأنني تعلمت من خلالها الصبر.