أحمد موسى: مينفعش بعد ما انفقنا على الميدان 80 مليون عشان ينور يكون مُظلم

علق الإعلامي أحمد موسى على قرار رئيس مجلس الوزراء، الدكتور مصطفى مدبولي على إغلاق الإنارة بميدان التحرير.

وقال الإعلامي أحمد موسى خلال تقديم برنامجه «على مسئوليتي» على شاشة «صدى البلد»: «أنا ليا طلب بسيط، ميدان التحرير، ميدان ثورتنا العظيمة 30 يونيو، والناس بتحب تروح ميدان التحرير».

وأكد الإعلامي أحمد موسى على أن هُناك أحد الأشقاء العرب تواصل معه وقال: «أنا زعلت مصر ياجماعة.. أنا بالليل بحب أتمشى واتفسح.. وزعلت على ميدان التحرير.. ليه ميدان التحرير يبقى ضلمة كده».

وأشار: «مينفعش ميدان التحرير بعد ما انفقنا عليه من 60 إلى 80 مليون جنيه عشان ينور الدنيا، بعد ما كان منور تمامًا يكون ضلمة تمامًا، نخلي عمود منور وعمود مطفي، لازم ننور شوية».

واختتم حديثه: «نرشد لكن مينفعش يكون ظلام، لازم يكون فيه نور، الميدان محاط بالفنادق السياحية، وارجو من رئيس الوزراء عودة الإضاءة للميدان ولو بنسبة 30% إلى 40%، الميدان شهد أعظم صورة في تاريخ الإعلام ومينفعش يكون مظلم».