بعد سخرية محمد رمضان منها.. سميرة عبد العزيز لـ«بصراحة»: أنا مش شايفاه أصلًا

ردت الفنانة القديرة سميرة عبد العزيز على سخرية الفنان محمد رمضان منها، بعد تراجعها وموافقتها عن العمل معه، وقالت أنها مستعدة لتكون والدته في عمل فني.

وقالت سميرة عبد العزيز في تصريح خاص لـ”بصراحة”: أنا مش شايفاه أصلًا ولا هتخذ إجراء ولا هعمل حاجه يعمل اللي يعمله، أنا مليش في الفيسبوك ولا الكلام ده، أنا والله كل اللي حصل زمان أن أحد الصحفيين سألني ليه رفضتي الشغل مع محمد رمضان فقولت أن الدور اللي اتعرض عليا مكنش مناسبني.

وواصلت: الدور المعروض عليا كان دور أم بلطجي ومش كويس خالص فرفضته عشان العمل مش مناسب مش عشان محمد رمضان وأنا مش مشكلتي في الأشخاص خالص بالعكس أنا مشكلتي في الدور ذاته.

من جانبه كان قد سخر الفنان محمد رمضان من الفنانة سميرة عبد العزيز وكتب عبر حسابه الشخصي بموقع فيسبوك:يااااه أخيرًا يا أستاذة.. أنا قلبي هيوقف م الفرحة.. بس للأسف فيلم القادم طالع يتيم الأم.